ಸ್ಯಾಂಡಲ್​ವುಡ್​ನಲ್ಲಿ  ನಿರ್ದೇಶಕರು ನಾಯಕರಾಗೋದು ನಾಯಕರು ನಿರ್ದೇಶಕರಾಗೋದು ಈಗ ಕಾಮನ್​ ಆಗಿ ಹೋಗಿದೆ. ಇಂತಹವರ ಸಾಲಿಗೆ 'ಮಾಸ್ಟರ್ ಪೀಸ್​' ಖ್ಯಾತಿಯ ನಿರ್ದೇಶಕ ಮಂಜು ಮಾಂಡವ್ಯ ಸಹ ಸೇರಿಕೊಂಡಿದ್ದಾರೆ.

ಹೌದು ಯಶ್​ ಅಭಿನಯದ ಹಿಟ್​ ಸಿನಿಮಾ 'ಮಾಸ್ಟರ್​ ಪೀಸ್​' ನಿರ್ದೇಶನ ಮಾಡಿದ್ದ ಮಂಜು ಅವರು ಈಗ ನಾಯಕನಾಗಿ ಬಡ್ತಿ ಪಡೆದಿದ್ದಾರೆ. ಭರತನ ಅವತಾರದಲ್ಲಿ ಆ್ಯಕ್ಷನ್​ ಹಾಗೂ ಹಾಸದ್ಯದ ಔತಣ ನೀಡಲು ಸಜ್ಜಾಗಿದ್ದಾರೆ
 ಸ್ಯಾಂಡಲ್​ವುಡ್​ನಲ್ಲಿ 'ಶ್ರೀ ಭರತ ಬಾಹುಬಲಿ' ಎನ್ನುವ ಸಿನಿಮಾ ಸಿದ್ಧವಾಗುತ್ತಿದ್ದು, ಇದರಲ್ಲಿ ಭರತನಾಗಿ ಮಂಜು ಹಾಗೂ ಬಾಹುಬಲಿಯಾಗಿ ಕಾಮಿಡಿ ಕಿಂಗ್​ ಚಿಕ್ಕಣ್ಣ ಕಾಣಿಸಿಕೊಳ್ಳಲಿದ್ದಾರೆ.ಈ ಈ ಚಿತ್ರದಲ್ಲಿ ಚರಣ್  ರಾಜ್ ಅವರ ಮಗ ತೇಜು ಚರಣ್ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ.
ಕಾಮಿಡಿಯಿಂದಲೇ ಕಿಕ್​ ಕೊಡುವ ಚಿಕ್ಕಣ್ಣ ಸಹ ಈ ಸಿನಿಮಾದಲ್ಲಿ ನಾಯಕನಾಗಿದ್ದಾರೆ. ಮಂಜು ಮಾಂಡವ್ಯ ಅವರೇ ಈ ಸಿನಿಮಾಗೆ ಕತೆ ಬರೆದು ನಿರ್ದೇಶನ ಸಹ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಕಾಮಿಡಿ, ಲವ್​ ಸ್ಟೋರಿ, ಹಾಸ್ಯ ಎಲ್ಲವೂ ಇದೆ.