ಬಿಗ್ ಬಾಸ್ : ಮಳೆ ನಿಂತ್ರು ಮಳೆ ಹನಿ ನಿಂತಿಲ್ಲ ಅನ್ನೋ ಹಾಗೆ ಬಿಗ್ ಬಾಸ್ ಸೀಸನ್ 7 ಮುಗಿದು ವಿನ್ನರನ್ನು ಅನೌನ್ಸ್ ಮಾಡಿದ್ರು , ಬಿಗ್ ಬಾಸ್ ಕ್ರೇಜ್ ಮಾತ್ರ ಕಡಿಮೆಯಾಗಿಲ್ಲ. ಇನ್ನು ಸೀಸನ್ 7 ಕಂಟೆಸ್ಟೆಂಟ್ ಗಳಂತು ಇನ್ನು ಬಿಗ್ ಬಾಸ್ ಮೂಡಲ್ಲೇ ಇದ್ದಾರೆ. ಇನ್ನು ಈ  ಬಾರಿಯ ಬಿಗ್ ಬಾಸ್ ನಲ್ಲಿ ತನ್ನ ಅದ್ಭುತ ಪ್ರತಿಭೆಯಿಂದಲೇ ಮನೆ ಮಾತಾದ ಕಂಟೆಸ್ಟೆಂಟ್ ಅಂದ್ರೆ ಅದು ವಾಸುಕಿ ವೈಭವ್. 

ಬಿಗ್ ಬಾಸ್ ಸೀಸನ್ 7 ನ ಫಿನಾಲೆ ತಲುಪಿದ್ದ ವಾಸುಕಿ, ಗೌರೀಶ್ ಅಕ್ಕಿ ಸ್ಟುಡಿಯೋ ಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ತಮ್ಮ ಬಿಗ್ ಬಾಸ್ ಜೀವನ, ವೈಯಕ್ತಿಕ ಹಾಗೂ ವೃತ್ತಿ ಜೀವನದ ಹಲವಾರು ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.

ಬಹುಮುಖ ಪ್ರತಿಭೆ ಈ ವಾಸುಕಿ....

ಹೌದು, ವಾಸುಕಿ ವೈಭವ್ ಒಬ್ಬ ಬಹುಮುಖ ಪ್ರತಿಭೆ. ಬಿಗ್ ಬಾಸ್ ಮನೆಯಲ್ಲಿ ಸಾಹಿತ್ಯ ಬರೆದು, ಅದಕ್ಕೆ ಸಂಗೀತ ಸಂಯೋಜಿಸಿ ತಾವೇ ಹಾಡುತ್ತಿದ್ದರು. ಇನ್ನು ಹರೀಶ್ ನಾಗರಾಜ್ ಜೊತೆ ಸ್ಕಿಟ್ ಒಂದರಲ್ಲಿ ನಾಗಪ್ಪ ಎನ್ನುವ ಪಾತ್ರದ ಮೂಲಕ ತಮ್ಮ ಅಭಿನಯದ ಕಲೆ ಒರೆಗೆ ಹಚ್ಚಿದ್ದರು. ವಾಸುಕಿಯ ಈ ಪಾತ್ರವನ್ನು ಸುದೀಪ್ ಸಹ ಮೆಚ್ಚಿಕೊಂಡಿದ್ದರು.  ಇನ್ನು ಸಂದರ್ಶನದ ವೇಳೆ ನಟನೆಯಲ್ಲಿ ಆಸಕ್ತಿ ಇದೆಯಾ ಎಂದು ನಿರೂಪಕ ಅಕ್ಕಿ ಕೇಳಿದ ಪ್ರಶ್ನೆಗೆ ವಾಸುಕಿ "ನಂಗೆ ನಟನೆ ಅಂದ್ರೆ ಇಷ್ಟ. ನಮ್ಮದೇ ಬೆನಕ ಎಂಬ ರಂಗಭೂಮಿ ತಂಡವಿದ್ದು ಆಗಾಗ ನಾಟಕ ಪ್ರದರ್ಶನ ಮಾಡುತ್ತಿರುತ್ತೇವೆ" ಎಂದು ಹೇಳಿದರು.

ರಕ್ಷಾ ಅವರ ಜೊತೆ ಡೇಟಿಂಗ್ ಹೋಗ್ತೀನಿ...

ಇದೇ ಸಂದರ್ಭದಲ್ಲಿ ಅಲ್ಮಾ ಮೀಡಿಯಾ ಸ್ಕೂಲ್ ವಿದ್ಯಾರ್ಥಿಗಳು ಕೇಳಿದ ಪ್ರಶ್ನೆಗು ವಾಸುಕಿ ಉತ್ತರಿಸಿದರು. ವಾಸುಕಿಗೆ  ಡೇಟ್ , ಮ್ಯಾರಿ ಹಾಗೂ ಕಿಲ್ ಮೂರು ಆಯ್ಕೆಗಳನ್ನು ಕೊಟ್ಟು  ಮೂರು ಅಯ್ಕೆಗಳಿಗೂ ಒಬ್ಬರ ಹೆಸರನ್ನು ಸೂಚಿಸಲು ಕೇಳಿದಾಗ ವಾಸುಕಿ "ರಕ್ಷಾ ಅವರ ಜೊತೆಗೆ ಡೇಟ್ ಗೆ ಹೋಗ್ತೀನಿ, ಸದ್ಯಕ್ಕೆ ಮದುವೆಯ ಯೋಚನೆ ಇಲ್ಲಾ , ಮತ್ತು ಯಾರನ್ನೂ ಕಿಲ್ ಸಹ ಮಾಡುವುದಿಲ್ಲ" ಎಂದು ಹೇಳಿದರು. ಹೀಗೆ ವಾಸುಕಿ ಸಾಕಷ್ಟು ಕುತೂಹಲಕರ ವಿಷಯಗಳನ್ನು ಸಂದರ್ಶನದಲ್ಲಿ ಹಂಚಿಕೊಂಡಿದ್ದು, ಈ ಸಂದರ್ಶನ ಶೀಘ್ರವೇ ಗೌರೀಶ್ ಅಕ್ಕಿ ಸ್ಟುಡಿಯೋ ಯೂಟ್ಯೂಬ್ ಚಾನಲ್ ನಲ್ಲಿ ಅಪ್ಲೋಡ್ ಆಗಲಿದೆ.