ಬಿಗ್ ಬಾಸ್ ಸ್ಪರ್ಧಿ ಚೈತ್ರಾ ಕೊಟೂರ್ ಅವರು ರವಿ ಬೆಳಗೆರೆ ಅವರನ್ನು ಭೇಟಿಯಾಗಿದ್ದು, ಹಲವು ಪ್ರಮುಖ ವಿಚಾರಗಳ ಬಗ್ಗೆ ಚರ್ಚೆ ನಡೆಸಿದ್ದಾರೆ.

ಈ ಬಾರಿ ಬಿಗ್ ಬಾಸ್ ಮನೆಗೆ ಅತಿಥಿಯಾಗಿ ರವಿ ಬೆಳಗೆರೆ ಪ್ರವೇಶ ಮಾಡಿ ಎಲ್ಲರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು. ಸ್ಪರ್ಧಿಗಳ ಜೊತೆ ಉತ್ತಮ ಬಾಂಧವ್ಯ ಬೆಳೆಸಿಕೊಂಡಿದ್ದರು.. ಅಂತೆಯೇ ಚೈತ್ರಾ ಕೊಟೂರ್ ಕೂಡ ಬಿಗ್ ಬಾಸ್ ಮನೆಯಲ್ಲಿ ಭಾರಿ ಹತ್ತಿರವಾಗಿದ್ದರು.

ಬಿಗ್ ಬಾಸ್ ನಿಂದ ಹೊರಬಂದ ಚೈತ್ರಾ ಕೊಟೂರ್ ಬೆಳಗೆರೆ ಆಫೀಸ್ ಗೆ ಭೇಟಿ ನೀಡಿ ಹಲವು ವಿಚಾರಗಳ ಜೊತೆ ಚರ್ಚೆ ನಡೆಸಿದ್ದಾರೆ. ಬಿಗ್ ಬಾಸ್ ಮನೆಯ ದಿನಗಳು ಹೇಗಿದ್ದವು? ಯಾವ ಸ್ಪರ್ಧಿ ಯಾವ ರೀತಿ ನಡೆದುಕೊಂಡರು ಎಂಬಿತ್ಯಾದಿ ವಿಚಾರಗಳ ಬಗ್ಗೆ ಇಬ್ಬರೂ ಮುಕ್ತವಾಗಿ ಮಾತನಾಡಿದ್ದಾರೆ.ಈಗ ಬೆಳಗೆರೆ ಕಡೆಯಿಂದ ಚೈತ್ರಾಗೆ ಒಂದು ಆಫರ್‌ ಸಿಕ್ಕಿದೆಯಂತೆ. ರವಿ ಬೆಳಗೆರೆಯವರ ಒಂದು ಕೃತಿಯನ್ನು ಸಿನಿಮಾ ಅಥವಾ ಸೀರಿಯಲ್‌ ಆಗಿಸುವ ಪ್ಲ್ಯಾನ್‌ ನಡೆಯುತ್ತಿದೆ. ಅದರ ಬರವಣಿಗೆಯಲ್ಲಿ ತೊಡಗಿಕೊಳ್ಳುವಂತೆ ಚೈತ್ರಾಗೆ ಬೆಳಗೆರೆ ಆಫರ್‌ ನೀಡಿದ್ದಾರೆ ಎನ್ನಲಾಗಿದೆ.