ಚೆನ್ನೈ; ವೆಸ್ಟ್ಇಂಡೀಸ್ ವಿರುದ್ಧದ 3 ಪಂದ್ಯಗಳ ಏಕದಿನ ಸರಣಿ ಭಾನುವಾರದಿಂದ ಆರಂಭಗೂಳ್ಳಲಿದ್ದು,ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಕಾತರದಿಂದ ಕಾಯುತ್ತಿದ್ದಾರೆ.ವಿಂಡೀಸ್ ವಿರುದ್ಧದ ಟಿ-20 ಸರಣಿಯಲ್ಲಿ ವಿರಾಟ್ ಕೊಹ್ಲಿ ಸ್ಫೋಟಕ ಬ್ಯಾಟಿಂಗ್ ಮೂಲಕ ತವರಿನಲ್ಲಿ 1000 ರನ್ ಸೇರಿದಂತೆ ಹಲವು ದಾಖಲೆ ನಿರ್ಮಿಸಿದ್ದಾರೆ.ಇದೀಗ ಏಕದಿನ ಸರಣಿಯಲ್ಲೂ ಹಲವು ದಾಖಲೆ ಬರೆಯಲು ಕೊಯ್ಲಿ ಸಜ್ಜಾಗಿದ್ದಾರೆ.

ವೆಸ್ಟ್ ಇಂಡೀಸ್ ವಿರುದ್ಧ ಕಳೆದ 9 ಇನ್ನಿಂಗ್ಸ್ ಗಳಲ್ಲಿ ಕೊಯ್ಲಿ ಬರೋಬ್ಬರಿ 870 ರನ್ ಕಲೆ ಹಾಕಿದ್ದರೆ, ಇದರಲ್ಲಿ 6 ಶತಕ,1 ಅರ್ಧಶತಕ ಗಳಿಸಿರುವ ವಿರಾಟ್ ಮತ್ತಷ್ಟು ದಾಖಲೆಗಳನ್ನು ಬರೆಯಲು ತವಕದಲ್ಲಿದ್ದಾರೆ.

ಏಕದಿನ ಕ್ರಿಕೆಟ್ ನಲ್ಲಿ ವಿರಾಟ್ 43 ಶತಕಗಳನ್ನು ಬಾರಿಸಿದ್ದು ,ಸಚಿನ್ ತೆಂಡೂಲ್ಕರ್ ರ 49 ಶತಕಗಳ ದಾಖಲೆಯ ಸನಿಹಕ್ಕೆ ತಲುಪಲು ಕೊಯ್ಲಿ ಈ ಸರಣಿಯನ್ನು ಬಳಸಿಕೊಳ್ಳುವ ನಿರೀಕ್ಷೆ ಇದೆ.