ಹಾಸನ: ತಲೆಯ ಮೇಲೆ ಕಲ್ಲು ಎತ್ತಿ ಹಾಕಿ ಯುವಕನನ್ನು ಬರ್ಬರವಾಗಿ ಕೊಲೆ ಮಾಡಿರುವ ಘಟನೆ ನಗರ‌ದ ಹೊರವಲಯದ ಕೆ.ಹೊಸಕೊಪ್ಪಲು ಬಳಿ ನಡೆದಿದೆ. ಆಲೂರಿನ ಆಂಜಿಹಳ್ಳಿ ಗ್ರಾಮದ ಚಂದನ್ (25) ಮೃತ ದುರ್ದೈವಿ.

ನಾಲ್ಕು ವರ್ಷಗಳ ಹಿಂದೆ ಯುವಕನೊಬ್ಬನ ಸಾವಿನ ಪ್ರಕರಣದಲ್ಲಿ ಮೃತ ಚಂದನ್​ ವಿರುದ್ಧ ಕೇಸ್​​ ದಾಖಲಾಗಿತ್ತು. ಈ ಹಿನ್ನೆಲೆಯಲ್ಲಿ ಹಳೇ ವೈಷಮ್ಯದಿಂದಲೇ ಕೊಲೆಯಾಗಿರುವ ಶಂಕೆ ವ್ಯಕ್ತವಾಗಿದೆ.

ಗೆಳೆಯ ಫೋನ್ ಮಾಡಿದ್ದಾನೆ ಎಂದು , ಹಾಸನಕ್ಕೆ ಹೋಗಿ ಬರುತ್ತೇನೆಂದು ಹೇಳಿ ಚಂದನ್ ಮನೆಯಿಂದ ಹೊರಟಿದ್ದ. ಬಳಿಕ ಈತನನ್ನ ಬೈಕ್​ನಲ್ಲಿ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದ ದುಷ್ಕರ್ಮಿಗಳು ತಲೆಯ ಮೇಲೆ ಕಲ್ಲು ಎತ್ತಿ ಹಾಕಿ ಕೊಲೆ ಮಾಡಿ ಪರಾರಿಯಾಗಿದ್ದಾರೆ.

ಘಟನೆ ಸಂಬಂಧ ಹಾಸನ ನಗರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ  ದಾಖಲಾಸಿಕೊಂಡು, ಪೊಲೀಸರು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.