ಟೀಮ್ ಇಂಡಿಯಾ ಟೆಸ್ಟ್‌ ತಂಡದಲ್ಲಿ ಆರಂಭಿಕ ಆಗಿರುವ  ಕರ್ನಾಟಕದ ಸ್ಟಾರ್‌ ಬ್ಯಾಟ್ಸ್‌ಮನ್‌ ಮಯಾಂಕ್‌ ಅಗರ್ವಾಲ್‌, ಇದೀಗ ಮುಂಬರುವ  ಕಿವೀಸ್ ಪ್ರವಾಸಕ್ಕೆ ಭರ್ಜರಿ ತಯಾರಿ ಆರಂಭಿಸಿದ್ದಾರೆ.

ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಈಗಾಗಲೇ ತಮ್ಮ ಸ್ಥಾನವನ್ನು ಭದ್ರ ಪಡಿಸಿಕೊಂಡಿರುವ  ಮಯಾಂಕ್,‌ ಇನ್ನು ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಭಾರತ ತಂಡದಲ್ಲಿ ಆಡುವ 11ರ ಬಳಗಕ್ಕೆ ಬಾಗಿಲು ಇನ್ನು ತೆರೆದಿಲ್ಲ. ಹೀಗಾಗಿ ಟೆಸ್ಟ್‌ನಲ್ಲಿ ಸಿಕ್ಕಿರುವ ಅವಕಾಶವನ್ನು ಮಯಾಂಕ್‌  ಅದ್ಭುತ ಬಳಸಿಕೊಳ್ಳುತ್ತಿದ್ದಾರೆ. ಬಾಂಗ್ಲಾದೇಶ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಗಳಲ್ಲಿ ಮಯಾಂಕ್‌ ಭರ್ಜರಿ ಬ್ಯಾಟಿಂಗ್‌ ನಡೆಸಿದ್ದು, ದ್ವಿಶತಕ ಕೂಡ ದಾಖಲಿಸಿದ್ದಾರೆ. 

ಭಾರತ 'ಎ' ತಂಡ ಕಿವೀಸ್‌ ಪ್ರವಾಸ ಕೈಗೊಳ್ಳಲಿದೆ.ಆದ್ದರಿಂದ ಮಯಾಂಕ್‌ ಉತ್ತಮ ರೀತಿಯಲ್ಲಿ ತಯಾರಿ ನಡೆಸಿದ್ದು, ತಮ್ಮ ಪೂರ್ವ ಸಿದ್ದತೆಯ ವಿಡಿಯೋ ಒಂದನ್ನು ಮಯಾಂಕ್‌ ತಮ್ಮ ಟ್ವಿಟರ್‌ ಖಾತೆ ಮೂಲಕ ಅಭಿಮಾನಿಗಳೊಟ್ಟಿಗೆ ಹಂಚಿಕೊಂಡಿದ್ದಾರೆ. "ರಿಮೆಂಬರ್‌ ದ ನೇಮ್‌ ಬೈ ಫ್ರಂಟ್‌ ಮಿರರ್ ಹಾಡನ್ನು ಕೇಳುತ್ತಾ ವರ್ಕ್‌ಔಟ್‌ ಮಾಡುತ್ತಿದ್ದೇನೆ. ನಿಮ್ಮ ನೆಚ್ಚಿನ ವರ್ಕ್‌ಔಟ್‌ ಹಾಡು ಯಾವುದು," ಎಂದು ಬರೆದುಕೊಂಡಿದ್ದಾರೆ.