ಸೆಮಿ ಫೈನಲ್ ಪ್ರವೇಶಿಸಿದ ಅಂಡರ್ 19 ಟೀಮ್ ಇಂಡಿಯಾ....!

ಸೆನವ್ಸ್ ಪಾರ್ಕ್ ಸ್ಟೇಡಿಯಂನಲ್ಲಿ ನಿನ್ನೆ ನಡೆದ ಅಂಡರ್​​​​ 19 ವರ್ಲ್ಡ್​​ಕಪ್​ನ ಮೊದಲ ಕ್ವಾರ್ಟರ್ ಫೈನಲ್ಸ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾ ಗೆದ್ದು ಸೆಮಿ ಫೈನಲ್​ಗೆ ಲಗ್ಗೆ ಇಟ್ಟಿದೆ.

ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾ 9 ವಿಕೆಟ್​ ನಷ್ಟಕ್ಕೆ 50 ಓವರ್​​ಗಳಲ್ಲಿ 233 ರನ್​​ ಕಲೆ ಹಾಕಿದ್ರೆ, ಆಸ್ಟ್ರೇಲಿಯಾ 43.3 ಓವರ್​​ಗಳಲ್ಲಿ 159 ರನ್​ಗಳಿಗೆ ತನ್ನೆಲ್ಲಾ ವಿಕೆಟ್​ಗಳನ್ನ ಕಳೆದುಕೊಂಡು ಭಾರತಕ್ಕೆ ಶರಣಾಯಿತು.

ಟೀಂ ಇಂಡಿಯಾ ಪರ ಜೈಸ್ವಾಲ್​ 62, ಅಂಕೋಲೆಕರ್​​​ 55 ರನ್​​ ಗಳಿಸಿ ಮಿಂಚಿದರು. ಬೌಲಿಂಗ್ ನಲ್ಲಿ ಯುವ ವೇಗಿ ಕಾರ್ತಿಕ್ ತ್ಯಾಗಿ 4 ವಿಕೆಟ್​ಗಳನ್ನ ಪಡೆಯುವ ಮೂಲಕ ಪಂದ್ಯದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಈಗಾಗಲೇ ಘಟಾನುಘಟಿಗಳ ಜೊತೆ ಆಟವಾಡಿ ಗೆದ್ದು ಬೀಗಿರುವ ಭಾರತ ತಂಡ, ಫೆಬ್ರವರಿ 4 ರ  ಮ್ಯಾಚ್​ ಮೇಲೆ ಕಣ್ಣಿಟ್ಟಿದೆ.ಫೆಬ್ರವರಿ 4ರಂದು ಬಾಂಗ್ಲಾದೇಶ ಅಥವಾ ಪಾಕಿಸ್ತಾನದ ಎದುರಾಳಿಯಾಗಿ ಭಾರತ ಮೈದಾನಕ್ಕಿಳಿಯಲಿದ್ದು, ಈಗಿನಿಂದಲೇ ಭರ್ಜರಿ ತಾಲೀಮು ನಡೆಸಿದೆ.