ಹೋಲ್ಕರ್ ಕ್ರೀಡಾಂಗಣದಲ್ಲಿ ನಡೆಯುವ ಭಾರತ-ಶ್ರೀಲಂಕಾ ಟಿ-20 ಅಂತರಾಷ್ಟ್ರೀಯ ಪಂದ್ಯ ವೀಕ್ಷಣೆ ಮಾಡಲು ಅಭಿಮಾನಿಗಳು ಸಾಮಾನ್ಯ ವಿಭಾಗಗಳ ವಿವಿಧ ಗ್ಯಾಲರಿ ಗಳಿಗೆ 500 ರಿಂದ 4920 ರೂ ಗಳನ್ನು ಪಾವತಿಸಬೇಕು ಎಂದು ಮಧ್ಯಪ್ರದೇಶ ಕ್ರಿಕೆಟ್ ಸಂಸ್ಥೆ ಟಿಕೆಟ್ ದರವನ್ನು ಘೋಷಣೆ ಮಾಡಿದೆ.

ಜನವರಿ 7 ರಂದು ಟಿ-20 ಪಂದ್ಯ ಇಂದೋರ್ ನ ಹೋಲ್ಕರ್ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಕ್ರೀಡಾಂಗಣವು ಸುಮಾರು 27,000 ಪ್ರೇಕ್ಷಕರ ಸಾಮರ್ಥ್ಯವನ್ನು ಹೊಂದಿದೆ. ಟಿಕೆಟ್ ಗಳ ಆನ್ ಲೈನ್ ಮಾರಾಟ ಇಂದಿನಿಂದ ಶುರುವಾಗಿದೆ.
ಹೊಸವರ್ಷದಲ್ಲಿ ಭಾರತ, ಶ್ರೀಲಂಕಾ ವಿರುದ್ಧ ಮೂರು ಟಿ-20 ಪಂದ್ಯಗಳನ್ನು ಆಡಲಿದೆ. ಸರಣಿಯ ಮೊದಲ ಪಂದ್ಯ ಜನವರಿ 5ರಂದು ಗುವಾಹಟಿಯಲ್ಲಿ ನಡೆಯಲಿದೆ. ಎರಡನೇ ಪಂದ್ಯ ಜನವರಿ 7ರಂದು ಇಂದೋರ್ ಹಾಗೂ ಮೂರನೇ ಪಂದ್ಯ ಪುಣೆಯಲ್ಲಿ ಜನವರಿ 9ರಂದು ನಡೆಯಲಿದೆ.