ಶ್ರೀ ಭರತ ಬಾಹುಬಲಿ ಸಿನಿಮಾ ಇಂದು 200ಕ್ಕೂ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ. ಸಿನಿಮಾ ನೋಡಲು ಬರುವ ಪ್ರೇಕ್ಷಕರಿಗೆ ಯಾವುದೇ ರೀತಿಯ ಮೋಸವಾಗುವುದಿಲ್ಲ, ಮನರಂಜನೆಯ ಜೊತೆಗೆ ಬೆಲೆಬಾಳುವ ಬಹುಮಾನಗಳನ್ನು ಸಹ ನೀಡುತ್ತೇವೆ ಎಂದು ತಿಳಿಸಿದ್ದಾರೆ ನಟ, ನಿರ್ದೇಶಕ ಮಂಜು ಮಾಂಡವ್ಯ.
ಕಾಮಿಡಿ ತ್ರಿಲ್ಲರ್ ಇರುವ ಈ ಸಿನಿಮಾ ನೋಡಿದರೆ ಒಂದು ಕೊಟ್ಟಿರುವಷ್ಟು ಬಹುಮಾನವನ್ನು ಗೆಲ್ಲಬಹುದು. ನಮ್ಮ ಸಿನಿಮಾದಲ್ಲಿ ಯಾವುದೇ ಸ್ಟಾರ್ ಗಳಿಲ್ಲದ ಇರಬಹುದು, ಆದರೆ ಒಳ್ಳೆಯ ಕಂಟೆಂಟ್ ಇದೆ. ಜೊತೆಗೆ ಸಿನಿಮಾವನ್ನು ಮೊದಲಿಂದಲೇ ನೋಡಬೇಕು. ಸ್ವಲ್ಪ ತಡವಾಗಿ ಹೋದರು ಸಿನಿಮಾ ಅರ್ಥವಾಗುವುದಿಲ್ಲ. ಹೊಸ ರೀತಿಯ ಸ್ಕ್ರೀನ್ ಪ್ಲೇ ಚಿತ್ರದಲ್ಲಿತ್ತು ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ.ಇನ್ನು ಶ್ರವಣಬೆಳಗೊಳದಲ್ಲಿ ಬಾಹುಬಲಿ ಮೂರ್ತಿ ಬಂದಿದ್ದು ಹೇಗೆ ಎಂಬ ವಿಷಯ ಗೊತ್ತಿಲ್ಲದವರಿಗೆ ಈ ಸಿನಿಮಾದಿಂದ ಅದು ಗೊತ್ತಾಗುತ್ತದೆ ಎನ್ನುತ್ತಾರೆ. ಹಿಂದೆ ನಾನು ನಿರ್ದೇಶನ ಸಂಭಾಷಣೆ ಸೇರಿದಂತೆ ನಟನಾಗಿ ಕಾಣಿಸಿಕೊಂಡಿದ್ದೇನೆ. ಈ ಚಿತ್ರದ ಮೂಲಕ ಮೊದಲ ಬಾರಿಗೆ ನಾಯಕನಾಗುತ್ತಾನೆ. ಜನ ನನ್ನನ್ನು ಪ್ರೋತ್ಸಾಹಿಸುತ್ತಾರೆ ಎಂಬ ನಂಬಿಕೆಯಿದೆ. ಎಂಟರ್ಟೈನ್ಮೆಂಟ್ ಬ್ಯಾಗ್ರೌಂಡ್ ನಲ್ಲಿ ಸಿನಿಮಾದ ಕಥೆ ಸಾಗುತ್ತದೆ. ಈ ಭಾರತ ಬಾಹುಬಲಿ ಎಂಬುದು ಸಿನಿಮಾದಲ್ಲಿರುವ ಮೂರು ಪಾತ್ರಗಳ ಹೆಸರು. ಸಿನಿಮಾದ ಹಾಡು ಈಗಾಗಲೇ ಹಿಟ್ ಆಗಿದೆ. ಎಲ್ಲ ಕಾರಣಗಳಿಂದ ಸಿನಿಮಾವನ್ನು ಜನ ನೋಡಬೇಕು ಎನ್ನುವುದು ನಿರ್ದೇಶಕರ ಮಾತಾಗಿದೆ
ಐಶ್ವರ್ಯ ಫಿಲಂ ಪ್ರೊಡಕ್ಷನ್ ಹೌಸ್ ಬ್ಯಾನರ್ ನಡಿ ಶಿವಪ್ರಕಾಶ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಚಿಕ್ಕಣ್ಣ, ಶ್ರೀನಿವಾಸಮೂರ್ತಿ ,ಸಾರ ಹರೀಶ್ ಸೇರಿದಂತೆ ಸಾಕಷ್ಟು ಮಂದಿ ಈ ಚಿತ್ರದಲ್ಲಿ ನಟಿಸಿದ್ದಾರೆ.