ಆಪರೇಷನ್ ಅಲಮೇಲಮ್ಮ,ಕವಲು ದಾರಿ ಖ್ಯಾತಿಯ ರಿಷಿ ಅಭಿನಯದ ಸಾರ್ವಜನಿಕರಿಗೆ ಸುವರ್ಣಾವಕಾಶ ಚಿತ್ರವು ಇಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ನಿರ್ದೇಶಕ ಅನೂಪ್ ರಮೇಶ್ ಕಶ್ಯಪ್ ಮಾತಿನಲ್ಲಿ ಹೇಳುವುದಾದರೆ ಪ್ರತಿಯೊಬ್ಬರ ಜೀವನದಲ್ಲೂ ಒಂದಿಲ್ಲೊಂದು ಸುವರ್ಣ ಅವಕಾಶ ಸಿಗುತ್ತದೆ ಅದನ್ನು ಹೇಗೆ ಬಳಸಿಕೊಳ್ಳುವುದು ಎನ್ನುವುದೇ ಜಾಣತನ. ಪ್ರತಿಯೊಬ್ಬರ ಜೀವನವನ್ನು ರಿವೈಂಡ್ ಮಾಡಿಕೊಂಡು ನೋಡುವಂತಹ ಚಿತ್ರ ಇದಾಗಿದೆ ಎಂದು ನಿರ್ದೇಶಕ  ಅನೂಪ್ ಸಾರ್ವಜನಿಕರು ಮಿಸ್ ಮಾಡಿಕೊಳ್ಳಬೇಡಿ ಎಂದರು. 

ಈ ಚಿತ್ರಕ್ಕೆ ಮಿಥುನ್ ಮುಕುಂದನ್ ಸಂಗೀತವಿದ್ದು, ಗುಲ್ಟು(gultu) ಖ್ಯಾತಿ ಜನಾರ್ಧನ್, ಚಿಕ್ಕಣ್ಣ ಮುಂತಾದವರು ಬಂಡವಾಳ ಹೂಡಿದ್ದಾರೆ.

ಚಿತ್ರದ ಮುಖ್ಯಭೂಮಿಕೆಯಲ್ಲಿ ನಾಯಕ ರಿಷಿ,ನಾಯಕಿ ಧನ್ಯಾ ಬಾಲಕೃಷ್ಣ,ರಂಗಾಯಣರಘು,ಸಿದ್ದು ಮೂಲಿಮನಿ, ಶಾಲಿನಿ, ದತ್ತಣ್ಣ ಕಾಣಿಸಿಕೊಂಡಿದ್ದಾರೆ.