ಖೇಲ್‌ ಚಿತ್ರದ ಆಡಿಯೋ ರಿಲೀಸ್‌ ಇತ್ತೀಚೆಗಷ್ಟೇ ರಾಜಾಜಿನಗರದ ಓರಿಯನ್ ಮಾಲ್ ನಲ್ಲಿ  ಅದ್ದೂರಿಯಾಗಿ ನಡೆಯಿತು. ಸಮಾರಂಭದಲ್ಲಿ ಚಿತ್ರತಂಡದ ಬಹುತೇಕ ಎಲ್ಲಾ ಕಲಾವಿದರಿದ್ದು ಚಿತ್ರದ ಹಾಡುಗಳನ್ನು ಅನಾವರಣಗೊಳಿಸಿದರು.

ಈ ಸಿನಿಮಾದಲ್ಲಿ ಹಿಮಾ ನಾಯಕಿ ನಟಿಯಾಗಿ ಕಾಣಿಸಿಕೊಂಡಿದ್ದಾರೆ. ಖೇಲ್ ಚಿತ್ರಕ್ಕೆ ರಾಜೀವ್ ಆಕ್ಷನ್ ಕಟ್ ಹೇಳಿದ್ದು, ಸತೀಶ್ ಬಂಡವಾಳ ಹಾಕಿದ್ದಾರೆ. ಮೊದಲನೆ ಬಾರಿಗೆ ಅರವಿಂದ್  ಹೀರೋ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

ಶಿವಮೊಗ್ಗದ ಹುಡುಗಿ ಹಿಮಾ ಮೋಹನ್  ಈಗಾಗಲೇ ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದು ಹಾಗೂ ಸಿನಿಮಾಗಳಲ್ಲಿ ಕೂಡ ಬಣ್ಣಹಚ್ಚಿದ್ದಾರೆ.  ಹಿಮಾ ಸದ್ದು ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪ್ರವೇಶಿಸಿದ್ದರು. ಈಗ  ಹಿಮಾ ಖಾತೆಯ ಎರಡನೆ  ಚಿತ್ರ ಖೇಲ್ ಆಗಿದೆ .

ಮೊದಲನೆ ಬಾರಿಗೆ ರಾಜೀವ್ ಚಿತ್ರವನ್ನು ನಿರ್ದೇಶಿಸಿದ್ದು ಚಿತ್ರಕ್ಕೆ ಗಣೇಶ್‌ ಭಾಗ್ವತ ಸಂಗೀತ ನೀಡಿದ್ದಾರೆ. ಚಿತ್ರದ ಬಹುತೇಕ ಕಲಾವಿದರು ಹೊಸಬರೇ ಆಗಿದ್ದು, ಸ್ಯಾಂಡಲ್‌ ವುಡ್‌ ಗೆ ಹೊಸಬಗೆಯ ಚಿತ್ರ ನೀಡುವ ಉತ್ಸಾಹದಲ್ಲಿದ್ದಾರೆ ನಿರ್ದೇಶಕ ರಾಜೀವ್.‌ ಖೇಲ್ ಸಿನಿಮಾದ ಧ್ವನಿ ಸುರಳಿ ಬಿಡುಗಡೆಯ  ಕಾರ್ಯಕ್ರಮದೊಂದಿಗೆ  ಚಿತ್ರದ ಪೋಸ್ಟರ್ ಸಹ ಬಿಡುಗಡೆ ಮಾಡಲಾಯಿತು.

ವರದಿ: ಹೆಚ್. ಶ್ರೀಹರ್ಷ