ಅಹಮದಾಬಾದ್ : ಎರಡು ದಿನಗಳ ಪ್ರವಾಸದ ನಿಮಿತ್ತ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇಂದು ಭಾರತಕ್ಕೆ ಆಗಮಿಸುತ್ತಿದ್ದಾರೆ.ಈ ವೇಳೆ ಟ್ರಂಪ್ ಗೆ ಅವರ ಪತ್ನಿ ಮೆಲಾನಿಯಾ ಟ್ರಂಪ್ ಸಾಥ್ ನೀಡಲಿದ್ದಾರೆ.

ಮಧ್ಯಾಹ್ನ 12 ಗಂಟೆಗೆ ಅಹಮದಾಬಾದ್ ಏರ್ಪೋರ್ಟ್ ಗೆ ಬಂದಿಳಿಯಲಿರುವ ಡೊನಾಲ್ಡ್ ಟ್ರಂಪ್ ಹಾಗೂ ಮೆಲಾನಿಯಾ ಟ್ರಂಪ್ ಅವರನ್ನು ಖುದ್ದು ಪ್ರಧಾನಿ ನರೇಂದ್ರ ಮೋದಿಯವರೇ ಸ್ವಾಗತಿಸಲಿದ್ದಾರೆ. ನಂತರ ಮೋದಿ ಹಾಗೂ ಟ್ರಂಪ್ 22 ಕಿ.ಮಿ. ರೋಡ್ ಶೋ ಮೂಲಕ ಸಬರಮತಿ ಆಶ್ರಮ ತಲುಪಲಿದ್ದಾರೆ. ಹಾಲಿ ಅಮೆರಿಕಾ ಅಧ್ಯಕ್ಷರೊಬ್ಬರು ಇದೇ ಮೊದಲ ಬಾರಿಗೆ ಭೇಟಿ ನೀಡುತಿದ್ದು, ಟ್ರಂಪ್ ಅವರ  ಸ್ವಾಗತಕ್ಕೆ ಭರ್ಜರಿ ಸಿಧ್ಧತೆಗಳು ನಡೆದಿವೆ.

ಇನ್ನು ಜಗತ್ತಿನ ಎರಡೂ ದೈತ್ಯ ರಾಷ್ಟ್ರಗಳ ನಾಯಕರ ಭೇಟಿಯನ್ನು ಇಡಿ ಜಗತ್ತು ಕುತೂಹಲದಿಂದ ನೋಡುತ್ತಿದೆ. ಟ್ರಂಪ್ ಪ್ರವಾಸದ ಸಂಧರ್ಭದಲ್ಲಿ  ಉಭಯ ದೇಶಗಳ ನಡುವೆ ಹಲವು ಮಹತ್ವದ ಆರ್ಥಿಕ ಹಾಗೂ ರಕ್ಷಣಾ ಒಪ್ಪಂದಗಳು ಏರ್ಪಡುವ ಸಾಧ್ಯತೆ ಇದೆ.