ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ಈ ವರ್ಷದ ಹುಟ್ಟುಹಬ್ಬ  ಅವರ ಫ್ಯಾನ್ಸ್ ಗೆ ತುಂಬಾ ಸ್ಪೆಷಲ್ ಆಗಲಿದೆ . ಯಾಕೆಂದ್ರೆ ಅಪ್ಪು ಹುಟ್ಟುಹಬ್ಬದ ದಿನ ಅವರ ಫ್ಯಾನ್ಸ್ ಗೆ ಸಿಕ್ಕಾಪಟ್ಟೆ ಸ್ಪೆಷಲ್ ಆಗಿರುವ ಉಡುಗೊರೆಯೊಂದು ಸಿಗಲಿದೆ .ಪುನೀತ್ ರಾಜ್ಕುಮಾರ್ ಅವರ ಜೀವನ ಮತ್ತು ಅವರು ಮಾಡಿರುವ ಒಳ್ಳೆ ಕಾರ್ಯಗಳ ಕುರಿತಾಗಿ ಒಂದು ಶಾರ್ಟ್ ಫಿಲ್ಮ್ ಪುನೀತ್ ಹುಟ್ಟುಹಬ್ಬದ ದಿನದಂದು ಬಿಡುಗಡೆಯಾಗಲಿದೆ. ಅದೇ 'ಅಜಾತಶತ್ರು', ಈ ಕಿರುಚಿತ್ರ ಪುನೀತ್ ಅಭಿಮಾನಿಗಳಿಂದ ಅಭಿಮಾನಿಗಳಿಗೋಸ್ಕರ ಸಿದ್ಧಪಡಿಸಿರುವ ಚಿತ್ರ ಇದಾಗಿದೆ.

ಆರು ತಿಂಗಳು ಮಗುವಿನಿಂದಲೇ ಬೆಳ್ಳಿ ಪರದ ಮೇಲೆ ಕಾಣಿಸಿಕೊಂಡಿರುವ ಪುನೀತ್ ರಾಜ್ ಕುಮಾರ್ ಬಾಲನಟನಾಗಿ ,ಯಶಸ್ವಿ ನಾಯಕ ನಟನಾಗಿ ಹಾಗೂ ಉತ್ತಮ ಹಾಡುಗಾರನಾಗಿ ಸ್ಯಾಂಡಲ್ ವುಡ್ ನಲ್ಲಿ ಮಿಂಚಿದ್ದಾರೆ . ತಮ್ಮ ನೆಚ್ಚಿನ ನಟನಿಗೆ ಟ್ರಿಬ್ಯೂಟ್ ನೀಡುವುದಕ್ಕಾಗಿ ಪುನೀತ್ ಅಭಿಮಾನಿಗಳು ಅಜಾತಶತ್ರು ಎಂಬ ಕಿರು ಚಿತ್ರವನ್ನು ಸಿದ್ಧಪಡಿಸಿದ್ದಾರೆ .ಈ ಕಿರುಚಿತ್ರವನ್ನು ರೆಡಿ ಮಾಡಿರುವುದು ಪುನೀತ್ ಅಭಿಮಾನಿಗಳಾದ ತೇಜಸ್ ರಂಗನಾಥ್, ಮನೋಜ್ ಕುಮಾರ್ ,ವಿಶ್ವನಾಥ ಗೌಡ, ಶರತ್ ಕುಮಾರ್ ,ಪೃಥ್ವಿರಾಜ್ ,ತಿಲಕ್ ಗೌಡ ಹಾಗೂ ಸಮಂಜು ಮಣಿ ಎಂಬುವರು. ಮಾರ್ಚ್ 17 ರಂದು ಪುನೀತ್ ರಾಜ್ ಕುಮಾರ್ ಅವರ ಹುಟ್ಟು ಹಬ್ಬವಾಗಿದ್ದು .ಅಂದು ಅಜಾತಶತ್ರು ವೆಂದು ಈ ಕಿರುಚಿತ್ರ ಬಿಡುಗಡೆಯಾಗಲಿದೆ.ತಮ್ಮ ನೆಚ್ಚಿನ ನಟನ ಜೀವನ ಆಧಾರಿತ ಕತೆಯನ್ನು ಈ ಚಿತ್ರದಲ್ಲಿ ನೋಡಲು ಪ್ರೇಕ್ಷಕರು  ಕಾತರದಿಂದ ಕಾಯುತ್ತಿದ್ದಾರೆ .