ಚೈನಾ ಮ್ಯಾನ್ ಕುಲದೀಪ್ ಯಾದವ್ ವಿಶೇಷ ದಾಖಲೆ...!

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 2 ನೇ ಏಕದಿನ ಪಂದ್ಯದ ವೇಳೆಯಲ್ಲಿ ಚೈನಾಮ್ಯಾನ್ ಬೌಲರ್ ಕುಲದೀಪ್ ಯಾದವ್​ ವಿಶೇಷ ದಾಖಲೆ ಬರೆದಿದ್ದಾರೆ.

ನಿನ್ನೆ ರಾಜ್​ಕೋಟ್​ ಅಂಗಳದಲ್ಲಿ ವಿಕೆಟ್​ ಕೀಪರ್​ ಅಲೆಕ್ಸ್‌ ಕೇರಿ ಅವರನ್ನ ಔಟ್​ ಮಾಡುವ ಮೂಲಕ ಕುಲದೀಪ್​ ಅಂತರಾಷ್ಟ್ರೀಯ ಏಕದಿನ ಪಂದ್ಯದಲ್ಲಿ 100 ವಿಕೆಟ್ ಕಬಳಿಸಿ ದಾಖಲೆ ಬರೆದರು. ಈ ಮೂಲಕ ಭಾರತದ  ಬೌಲರ್ ಗಳ ಪಟ್ಟಿಯಲ್ಲಿ ಕಡಿಮೆ ಪಂದ್ಯಗಳಲ್ಲಿ 100 ವಿಕೆಟ್​ ಪಡೆದ ಸಾಧನೆ ಮಾಡಿದರು.

ಭಾರತದ ಆಟಗಾರರ ಪೈಕಿ ಅತಿವೇಗವಾಗಿ ವಿಕೆಟ್ ಕಬಳಿಸಿದ ವಿಭಾಗದಲ್ಲಿ 56 ಪಂದ್ಯಗಳಲ್ಲಿ ಮೊಹಮ್ಮದ್​ ಶಮಿ 100 ವಿಕೆಟ್‌ ಪಡೆದು ಅಗ್ರಸ್ಥಾನದಲ್ಲಿದ್ದು, 2ನೇ ಸ್ಥಾನದಲ್ಲಿ 57 ಪಂದ್ಯಗಳನ್ನ ಆಡಿ ಜಸ್‌ಪ್ರೀತ್‌ ಬೂಮ್ರಾ ಈ ಸಾಧನೆ ಮಾಡಿದ್ದರು. ಈಗ ಮೊಹಮ್ಮದ್​ ಶಮಿ, ಜಸ್‌ಪ್ರೀತ್‌ ಬೂಮ್ರಾ ನಂತರ 3ನೇ ಸ್ಥಾನವನ್ನು ಕುಲದೀಪ್ ಯಾದವ್ ಅಲಂಕರಸಿದ್ದಾರೆ.