ಕಿರುತೆರೆಯಲ್ಲಿ ಸೂಪರ್ ಸ್ಟಾರ್ ಎಂದೇ ಪ್ರಸಿಧ್ಧರಾಗಿರುವ ಜಯರಾಮ್ ಕಾರ್ತಿಕ್ ,ಅಶ್ವಿನಿ ನಕ್ಷತ್ರ ಎಂಬ ಕಿರುತೆರೆ ಧಾರಾವಾಹಿಯಿಂದ ಕರ್ನಾಟಕದ ಮನೆ ಮಾತಾಗಿದ್ದರು.ಧಾರಾವಾಹಿ ಅಲ್ಲದೆ ಬಿಗ್ ಬಾಸ್ ರಿಯಾಲಿಟಿ ಶೋನಲ್ಲಿ ಸಹ ಕಾಣಿಸಿಕೊಂಡಿದ್ದರು.

ಇವರು ಕನ್ನಡದಲ್ಲಷ್ಟೇ ಅಲ್ಲದೆ ಹಿಂದಿಯಲ್ಲಿ 
'ಸಿಯಾ ಕೆ ರಾಮ್' ಎಂಬ ಧಾರಾವಾಹಿಯಲ್ಲಿ ರಾವಣ ಪಾತ್ರದಲ್ಲಿ ಮಿಂಚಿದರು.ಈಗ ಮತ್ತೆ ಕನ್ನಡದ ಕಿರುತೆರೆಗೆ ನಾಗರಾಜನಾಗಿ  ಹಿಂದಿರುಗಿದ್ದಾರೆ.

ಜೀ ಕನ್ನಡ ವಾಹಿನಿಯಲ್ಲಿ ಅತಿ ಪ್ರಸಿದ್ಧವಾದ ಕಿರುತೆರೆ ಧಾರಾವಾಹಿ ನಾಗಿಣಿ ಅಂತಿಮ ಅಧ್ಯಾಯ ಪ್ರಸಾರವಾಗುತ್ತಿದೆ.ಇದು ಮುಗಿದ ನಂತರ ನಾಗಿಣಿ 2 ಆರಂಭವಾಗಲಿದೆ. 

'ನಾಗಿಣಿ'ಯಾಗಿ ಮಿಂಚಿದ್ದ ದೀಪಿಕಾ ದಾಸ್  ಈಗ ಬಿಗ್ ಬಾಸ್ ಆಟದಲ್ಲಿ  ಬ್ಯುಸಿಯಾಗಿದ್ದಾರೆ.ಈಗ ನಾಗಿಣಿ  2 ನಲ್ಲಿ ಪುಟ್ಟಗೌರಿ ಮದುವೆ ಖ್ಯಾತಿಯ ನಮ್ರತಾ ಗೌಡ ನಾಗಕನ್ನಿಕೆ ಪಾತ್ರ ನಿರ್ವಹಿಸಲಿದ್ದಾರೆ.ಅವರಿಗೆ ನಾಗರಾಜ ನಾಗಿ ಸಾಥ್ ಕೊಡಲು ಜೆಕೆ ರೆಡಿಯಾಗಿದ್ದಾರೆ .

ಆ ಕರಾಳ ರಾತ್ರಿ', 'ಮೇ ಫಸ್ಟ್', 'ಪುಟ 109' ಚಿತ್ರಗಳಲ್ಲಿ ಮುಖ್ಯ ಪಾತ್ರದಲ್ಲಿ ಮಿಂಚಿದ್ದ ಜಯರಾಂ ಕಾರ್ತಿಕ್ ಗೆ 'ನಾಗಿಣಿ-2' ಧಾರಾವಾಹಿಯ ಕಥೆ ಮತ್ತು ಪಾತ್ರ ಇಷ್ಟವಾದ ಕಾರಣ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ನಾಗಿಣಿ 2 ಪ್ರೋಮೋಗಳು ಈಗಾಗಲೇ ವೀಕ್ಷಕರಿಗೆ ಕುತೂಹಲ ಮೂಡಿಸಿದ್ದು,  ಪ್ರಸಾರದ ದಿನಾಂಕ ಇನ್ನೂ ನಿಗದಿಯಾಗಿಲ್ಲ.