ಕೇಕ್‌ ತಯಾರಿಸುವಾಗ ಗ್ರಾಹಕರು ವಿಶೇಷ ಸೂಚನೆಯನ್ನು ನೀಡುತ್ತಾರೆ. ಅದರಲ್ಲಿ ಏನು ಬರೆಯಬೇಕೆಂದು ಸಹ ನಿರ್ದೇಶಿಸುತ್ತಾರೆ. ಜತೆಗೆ ಕೇಕ್‌ ಏನನ್ನೆಲ್ಲಾ ಒಳಗೊಂಡಿರಬೇಕೆಂದು ಪ್ರತ್ಯೇಕವಾಗಿ ಹೇಳುತ್ತಾರೆ. ಹಾಗೆಯೇ ನಾಗ್ಪುರದಲ್ಲಿ ಗ್ರಾಹಕರೊಬ್ಬರು ಸ್ವಿಗ್ಗಿಯಲ್ಲಿ ಕೇಕ್ ಆರ್ಡರ್ ಮಾಡಿದ್ದು, ಅದು ಮೊಟ್ಟೆಯನ್ನು ಒಳಗೊಂಡಿದೆಯೇ ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಬೇಕರಿ ಮಾಲೀಕರು ಕೇಕ್‌ನಲ್ಲಿಯೇ ಬರೆದು ಉತ್ತರ ಕೊಟ್ಟಿರುವುದು ಎಲ್ಲರ ಹುಬ್ಬೇರುವಂತೆ ಮಾಡಿದೆ.

ನಿಮ್ಮ ಶ್ವಾಸಕೋಶವನ್ನು ಹೇಗೆಲ್ಲಾ ಹಾಳು ಹಾಳು ಮಾಡಿಕೊಳ್ತಿದೀರಿ, ನಿಮಗೆ ಗೊತ್ತೇ?

ಕಪಿಲ್ ವಾಸ್ನಿಕ್‌ ಎಂಬವರು ನಾಗ್ಪುರದ 'ಪ್ರಸಿದ್ಧ' ಬೇಕರಿ ಒಂದರಿಂದ ಸ್ವಿಗ್ಗಿ ಮೂಲಕ ಕೇಕ್ ಅನ್ನು ಆರ್ಡರ್ ಮಾಡಿದ್ದಾರೆ. ಮತ್ತು ಒಂದು ವಿಷಯದ ಬಗ್ಗೆ ಸ್ವಲ್ಪ ಸ್ಪಷ್ಟತೆ ಕೇಳಿದರು. ಕೇಕ್ ಮೊಟ್ಟೆಯನ್ನು ಹೊಂದಿದೆಯೇ, ನಾನು ಉಲ್ಲೇಖಿಸಿರುವ ಆರ್ಡರ್ ವಿವರಗಳಲ್ಲಿ, 'ಕೇಕ್ ಮೊಟ್ಟೆಯನ್ನು ಹೊಂದಿದ್ದರೆ ದಯವಿಟ್ಟು ನಮೂದಿಸಿ' ಎಂದು ಕಪಿಲ್ ಹೇಳಿದ್ದಾರೆ. ಅದಕ್ಕೆ ಬೇಕರಿ ಮಾಲೀಕರು ನೀಡಿರುವ ಉತ್ತರವನ್ನು ಟ್ವಿಟರ್‌ನಲ್ಲಿ ಶೇರ್ ಮಾಡಿದ್ದಾರೆ.

ಕಪಿಲ್, ಶುಕ್ರವಾರದಂದು, ತಮ್ಮ ಆರ್ಡರ್‌ನ ಚಿತ್ರವನ್ನು ಹಂಚಿಕೊಂಡಿದ್ದಾರೆ ಮತ್ತು ಇದು ಹಾಲಿನ ಕೆನೆ ಸುಳಿಗಳು ಮತ್ತು ಚೆರ್ರಿಗಳೊಂದಿಗೆ ಸುಂದರವಾದ ಚಾಕೊಲೇಟ್ ಕೇಕ್ ಅನ್ನು ತೋರಿಸುತ್ತದೆ. ಕೇಕ್‌ನ ಮೇಲೆ ಇದು ಮೊಟ್ಟೆಯನ್ನು ಒಳಗೊಂಡಿದೆ ಎಂದು ಬರೆಯಲಾಗಿದೆ. 

ಕೇಕ್‌ನಲ್ಲಿ ಬರೆದಿರೋ ಬರಹ ಈ ರೀತಿ ತಪ್ಪಾಗಿರುವುದು ಇದೇ ಮೊದಲ ಬಾರಿಯಲ್ಲ. ಈ ಹಿಂದೆಯೂ ಇಂಥಾ ಎಡವಟ್ಟುಗಳು ಆಗಿವೆ. 
ಅರುಣ್ ನಾಯರ್ ಎಂಬ ಟ್ವಿಟರ್ ಬಳಕೆದಾರರು, ಕಪಿಲ್ ಅವರ ಟ್ವೀಟ್‌ಗೆ ಪ್ರತ್ಯುತ್ತರ ನೀಡಿ, ಅವರು ಡಿಸೆಂಬರ್‌ನಲ್ಲಿ ಪಡೆದ ಕೇಕ್‌ನ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ. ಈ ಕೇಕ್‌ನಲ್ಲಿ ಅರುಣ್ ನಾಯರ್‌ ನೀಡಿದ್ದ ಸೂಚನೆಯನ್ನೇ ಯಥಾವತ್ತಾಗಿ ಬರೆಯಲಾಗಿದೆ. ಕಟ್ಲರಿಗಳನ್ನು ಕಳುಹಿಸಬೇಡಿ ಎಂದು ಕೇಕ್‌ನಲ್ಲಿ ನಮೂದಿಸಲಾಗಿದೆ. 

ರಾತ್ರಿಯ ನಿದ್ರಾಭಂಗಕ್ಕೆ ಕಾರಣ.

ಕಪಿಲ್‌ ಟ್ವಿಟರ್‌ಗೆ ಕಾಮೆಂಟ್ ಮಾಡಿರುವ ಇತರ ಬಳಕೆದಾರರು ಸಹ ತಮಗಾಗಿರುವ ಇಂಥಹದ್ದೇ ಅನುಭವವನ್ನು ಹಂಚಿಕೊಂಡಿದ್ದಾರೆ. ಥ್ಯಾಂಕ್ಯೂ ಒನ್ ದಿ ಕೇಕ್ ಎಂದು ಸೂಚನೆ ನೀಡಿದ್ದಕ್ಕೆ ಕೇಕ್‌ನಲ್ಲಿ ಯಥವತ್ತಾಗಿ ಬರೆದಿರೋದಾಗಿ ಹೇಳಿದ್ದಾರೆ. ಬೇಕರಿಯಲ್ಲಿರುವವರ ಯಡವಟ್ಟಿಗೆ ನೆಟ್ಟಿಗರು ಫನ್ನಿ ಪ್ರತಿಕ್ರಿಯೆ ನೀಡಿದ್ದಾರೆ.  ಅದೇನೆ ಇರ್ಲಿ, ಕೇಕ್‌ನಲ್ಲಿ ಮೊಟ್ಟೆಯಿದೆಯಾ ಎಂದು ಪ್ರಶ್ನಿಸಿದಾತ ಕೇಕ್‌ ಆರ್ಡರ್ ಮಾಡಿದ್ದ ಉದ್ದೇಶವಂತೂ ಹಾಳಾಗಿರೋದು ಖಂಡಿತ. ಹಾಗೆಯೇ ಇನ್ಮುಂದೆ ಬಹುಶಃ ಅವರು ಕೇಕ್‌ನಲ್ಲಿ ಮೊಟ್ಟೆಯಿದೆಯೇ ಎಂದು ಕೇಳುವ ಧೈರ್ಯವನ್ನು ತೋರಿಸಲಿಕ್ಕಿಲ್ಲ.

So I ordered a cake from a renowned bakery in Nagpur, through #Swiggy. In the order details I mentioned “Please mention if the cake contains egg”. I am speechless after receiving the order