ಕೊರೊನಾ ಸೋಂಕು  ದಿನಂಪ್ರತಿ ಹೆಚ್ಚಳವಾಗುತ್ತಿದೆ. ಕಳೆದ ಒಂದು ವಾರದಲ್ಲಿ ಪ್ರತಿದಿನ 14ಸಾವಿರಕ್ಕು ಹೆಚ್ಚು ಹೊಸ ಪ್ರಕರಣ ದಾಖಲಾಗುತ್ತಿವೆ.ಕೊರೊನಾ ಸೋಂಕು  ಭಾರತದಲ್ಲಿ ತನ್ನ ಕಬಂದಬಾಹು ಚಾಚಲು ಸಿದ್ಧವಾಗಿದೆ. ವಿಶ್ವದ ಬಲಿಷ್ಟ ರಾಷ್ಟ್ರಗಳನ್ನು ಕಾಡಿ ಹಿಂಸಿಸಿ ಈಗ ಭರತ ಭೂಮಿಯಲ್ಲಿ ತನ್ನ ಚಕ್ರಾಧಿಪತ್ಯವನ್ನು ಸಾಧಿಸಲು ಹಪಹಪಿಸುತ್ತಿದೆ. 24ಗಂಟೆಯಲ್ಲಿ  ಬರೋಬರಿ 13,678 ಮಂದಿಗೆ ಸೋಂಕು ಧೃಢಪಟ್ಟಿದೆ. ಸದ್ಯ ದೇಶದಲ್ಲಿ ಒಟ್ಟು 5,04,079 ಜನರಲ್ಲಿ ಸೋಂಕು ಧೃಢವಾಗಿದೆ . 2,83,637 ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಮರಳಿದ್ದಾರೆ. 15,301 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ. 1,89,463 ಸಕ್ರಿಯ ಪ್ರಕರಣಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.