ಬೆಂಗಳೂರು :  ನಿನ್ನೆ ರಾಜ್ಯಾದ್ಯಂತ ಜನರು 2019 ಕ್ಕೆ ವಿದಾಯ ಹೇಳಿ 2020 ನ್ನು ಸಂಭ್ರಮಾಚರಣೆಯೊಂದಿಗೆ ಅದ್ದೂರಿಯಾಗಿ ಬರಮಾಡಿಕೊಂಡರು. ರಾಜ್ಯದ ಬಹುತೇಕ ಎಲ್ಲಾ ಜಿಲ್ಲೆಗಳಲ್ಲೂ ಜನರು ಹಾಡಿಗೆ ಡಾನ್ಸ್ ಮಾಡುತ್ತ, ಪಟಾಕಿ ಸಿಡಿಸುತ್ತ ಹೊಸ ವರ್ಷಕ್ಕೆ ಸ್ವಾಗತ ಕೋರಿದರು.

ಇನ್ನು ಬೆಂಗಳೂರಲ್ಲೂ  ಜನರ ಸಂಭ್ರಮ ಮುಗಿಲುಮುಟ್ಟಿತ್ತು. ಎಂಜಿ ರೋಡ್, ಬ್ರಿಗೇಡ್ ರೋಡ್ ನಲ್ಲಿ ಕಿಕ್ಕಿರಿದು ಸೇರಿದ್ದ ಜನ ಕುಣಿಯುತ್ತಾ, ಪಟಾಕಿ ಸಿಡಿಸುತ್ತಾ ಹೊಸ ವರ್ಷಕ್ಕೆ ವೆಲ್ ಕಮ್ ಹೇಳಿದರು. ಇನ್ನು ಮೈಸೂರು ,ಶಿವಮೊಗ್ಗ , ಧಾರವಾಡ ಸೇರಿದಂತೆ ಎಲ್ಲೆಡೆ ಸಂಭ್ರಮ ಜೋರಾಗಿತ್ತು.

ಇನ್ನು ಎಲ್ಲೆಡೆ ಪೋಲೀಸ್ ಕಟ್ಟೆಚ್ಚರ ಇದ್ದ ಕಾರಣ ಈ ಬಾರಿ ಹೆಚ್ಚಿನ ಅಹಿತಕರ ಘಟನೆ ಸಂಭವಿಸಿಲ್ಲ. ಬೆಂಗಳೂರು ಸೇರಿದಂತೆ ರಾಜ್ಯದ ಎಲ್ಲಾ ಭಾಗದಲ್ಲೂ ಪೋಲೀಸರ ಬಿಗಿ ಭದ್ರತೆ ಒದಗಿಸಲಾಗಿತ್ತು.