ಡಾಲಿ ಧನಂಜಯ್ ನಾಯಕನಾಗಿ ನಟಿಸಿರುವ 'ಪಾಪ್‌ಕಾರ್ನ್ ಮಂಕಿ ಟೈಗರ್' ಎಂಬ ವಿಭಿನ್ನವಾದ ಚಮತ್ಕಾರಿ ಶೀರ್ಷಿಕೆಯೊಂದಿಗೆ ಬರುತ್ತಿರುವ ಬಹು ನಿರೀಕ್ಷಿತ ಸಿನಿಮಾದ ಟೀಸರ್ ಇಂದು ಬಿಡುಗಡೆ ಆಗಿದೆ. ಈ ಚಿತ್ರದ ಟೀಸರ್ ಅನ್ನು ಪಿ.ಆರ್.ಕೆ ಯೂಟ್ಯೂಬ್ ಚಾನೆಲ್​ನಲ್ಲಿ ಬಿಡುಗಡೆ ಮಾಡಿದ್ದಾರೆ. ನಿವೇದಿತಾ ಮತ್ತು ಹೊಸಬರನ್ನು ಒಳಗೊಂಡಿದೆ. ಸೂರಿ ನಿರ್ದೇಶನದ ‘ಪಾಪ್​ ಕಾರ್ನ್​ ಮಂಕಿ ಟೈಗರ್‘ ಚಿತ್ರದ ಬಗ್ಗೆ ಸ್ಯಾಂಡಲ್​ವುಡ್​ನಲ್ಲಿ ಈಗಾಗಲೇ ಭಾರಿ ನಿರೀಕ್ಷೆ ಹುಟ್ಟಿಕೊಂಡಿದೆ. ಅದರಂತೆ ಚಿತ್ರದ ಪೋಸ್ಟರ್​ ಬಿಡುಗಡೆಯಾದ ಮೇಲೆ ಅಭಿಮಾನಿಗಳಿಗೆ ಈ ಚಿತ್ರದ ಮೇಲಿನ ನಿರೀಕ್ಷೆ ದುಪ್ಪಟ್ಟಾಗಿದೆ. ಇದೀಗ ಚಿತ್ರತಂಡ ಟೀಸರ್​ ಬಿಡುವ ಮೂಲಕ ಅಭಿಮಾನಿಗಳಲ್ಲಿ ಮತ್ತಷ್ಟು ಕುತೂಹಲ ಹೆಚ್ಚಿಸಿದೆ. ಟಗರು ಚಿತ್ರದ ಮೂಲಕ ತನ್ನ ದಿಸೆಯನ್ನೇ ಬದಲಾಯಿಸಿಕೊಂಡ ಧನಂಜಯ್​ ‘ಪಾಪ್​ ಕಾರ್ನ್​ ಮಂಕಿ ಟೈಗರ್‘​ ಚಿತ್ರದಲ್ಲಿ ವಿಭಿನ್ನ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅಭಿಮಾನಿಗಳ ನಿರೀಕ್ಷೆಗೂ ಮೀರಿದೆ ಧನಂಜಯ್ ಮಂಕಿ ಟೈಗರ್ ಅವತಾರ. ಟೀಸರ್ ಪ್ರಾರಂಭದಲ್ಲೆ ಪ್ರೇಕ್ಷಕರಿಗೆ ರಕ್ತದ ದರ್ಶನವಾಗುತ್ತೆ. ನಿರ್ದೇಶಕ ಸೂರಿಯ 'ರಾ' ಫ್ಲೇವರ್ ಈ ಟೀಸರ್ ನಲ್ಲಿ ಎದ್ದು ಕಾಣುತ್ತಿದೆ. ನೋಡಲು ಸಖತ್ ಭಯಂಕರವಾಗಿದ್ದು ನಟ ಧನಂಜಯ್ ನಟರಾಕ್ಷಸ ಎನ್ನುವುದನ್ನು ಮತ್ತೊಮ್ಮೆ ಸಾಬೀತು ಮಾಡಿದ್ದಾರೆ.