ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್:ಆಫ್ರಿಕಾ ಎದುರು ಸೋತ ಆಂಗ್ಲರು....!

ಇಂಗ್ಲೆಂಡ್ ತಂಡವನ್ನು ಶಿಸ್ತಿನ ದಾಳಿಯ ಮೂಲಕ ಬಗ್ಗುಬಡಿದ ಆತಿಥೇಯ ದಕ್ಷಿಣ ಆಫ್ರಿಕಾ ತಂಡ ಮೊದಲ ಟೆಸ್ಟ್ ಪಂದ್ಯದಲ್ಲಿ 107 ರನ್ ಗಳ ಗೆಲುವು ಸಾಧಿಸಿದೆ. ಈ ಮೂಲಕ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ನಲ್ಲಿ ತನ್ನ ಮೊದಲ ಅಂಕ ಮತ್ತು ಮೊದಲ ಗೆಲುವು ಕಾಣುವಲ್ಲಿ ಯಶ ಕಂಡಿದೆ.

ದಕ್ಷಿಣ ಆಫ್ರಿಕಾ ನೀಡಿದ್ದ 376 ರನ್ ಸವಾಲು ಪಡೆದಿದ್ದ ಇಂಗ್ಲೆಂಡ್ 1 ವಿಕೆಟ್ ಗೆ 121 ರನ್ ಗಳಿಂದ ನಾಲ್ಕನೇ ದಿನ ಬ್ಯಾಟಿಂಗ್ ಮುಂದುವರಿಸಿತು. ಒಂದು ಹಂತದಲ್ಲಿ 3 ವಿಕೆಟ್ ಗೆ 204 ರನ್ ಬಾರಿಸಿ ಇಂಗ್ಲೆಂಡ್ ಗೆಲುವಿನ ಫೇವರೆಟ್ ಎನಿಸಿತ್ತು. ಆದರೆ ಕೊನೇ 7 ವಿಕೆಟ್ ಗಳನ್ನು 64 ರನ್ ಗಳ ಅಂತರದಲ್ಲಿ ಉರುಳಿಸಿದ ದಕ್ಷಿಣ ಆಫ್ರಿಕಾ ಗೆಲುವನ್ನು ತನ್ನದಾಗಿಸಿಕೊಂಡಿತು.

93 ಓವರ್ ಗಳಲ್ಲಿ ಇಂಗ್ಲೆಂಡ್ 268 ರನ್ ಗೆ ಆಲೌಟ್ ಆಯಿತು. ಕಗಿಸೂ ರಬಾಡಾ(103ಕ್ಕೆ 4), ಅನ್ರಿಚ್ ನೂರ್ಜೆ(56ಕ್ಕೆ 3) ದಕ್ಷಿಣ ಆಫ್ರಿಕಾ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ದಕ್ಷಿಣ ಆಫ್ರಿಕಾ:284 ಮತ್ತು 272.
ಇಂಗ್ಲೆಂಡ್:181 ಮತ್ತು 268. ಇಂಗ್ಲೆಂಡ್ ಪರ ರೋರಿ ಬರ್ನ್ಸ್ 84,ರೂಟ್ 48 ಹೋರಾಟ ನಡೆಸಿದರು.

2ನೇ ಟೆಸ್ಟ್ ಜ.3 ರಂದು ಕೇಪ್ ಟೌನ್ ನಲ್ಲಿ ನಡೆಯಲಿದೆ.