‘ರೈಮ್ಸ್’ಸಸ್ಪೆನ್ಸ್  ಕ್ರೈಮ್ ಥ್ರಿಲ್ಲರ್ ಚಿತ್ರ ಮೂಲಕ ಅಜಿತ್ ಜಯರಾಜ್, ಪ್ರೇಕ್ಷಕರ ಮುಂದೆ ಬರುವ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಮೊನ್ನೆಯಷ್ಟೇ  ಮುಖಕಾಣದ, ಪೊಲೀಸ್ ಡ್ರೆಸ್ ನಲ್ಲಿ ಇದ್ದ ವ್ಯಕ್ತಿಯ ಚಿತ್ರವಿರುವ ವಿಭಿನ್ನವಾದ ಪೋಸ್ಟರ್ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿತ್ತು. ಅಜಿತ್ ಕುಮಾರ್   ಈ ಚಿತ್ರದ ನಿರ್ದೇಶನ ಮಾಡಿದ್ದು, ಜೆ. ಜ್ಞಾನಶೇಕರ್ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಹಾಗು ನವ್ಯ ನಾಯರ್ ನಾಯಕಿಯಾಗಿ ನಟಿಸಿದ್ದಾರೆ.

ಚಿತ್ರದ ಕತೆ ವಿಭಿನ್ನವಾಗಿದ್ದು, ತಾಂತ್ರಿಕತೆಯಲ್ಲೂ ಭಿನ್ನವಾಗಿ ಮೂಡಿಬಂದಿದೆ. ಕನ್ನಡದ ಮಟ್ಟಿಗೆ... ಇದೊಂದು ಬೇರೆಯದ್ದೇ ಆದ ಸಿನಿಮಾ ಅನಿಸುವುದರಲ್ಲಿ ಎರಡು ಮಾತಿಲ್ಲ. ಕ್ರೈಮು, ಪ್ರೀತಿ ಹಾಗೂ ಸಂಬಂಧಗಳು ಚಿತ್ರದ ಪ್ರಧಾನ ಅಂಶಗಳು ಎಂದರು ನಿರ್ದೇಶಕ ಅಜಿತ್ ಕುಮಾರ್. ಚೆನ್ನೈ ಮೂಲದ ಶಕ್ತಿ ಚಿತ್ರಕ್ಕೆ ಸಂಗೀತ ನೀಡಿದರೆ, ಕೇರಳದ ಅರ್ಜುನ್ ಅಕ್ಕೋಟ್ ಕ್ಯಾಮೆರಾ ಹಿಡಿದಿದ್ದಾರೆ. ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಅಜಿತ್ ಜಯರಾಜ್ ಕಾಣಿಸಿಕೊಂಡಿದ್ದಾರೆ. ಇಲ್ಲಿವರೆಗೂ ಒಂದಿಷ್ಟುಚಿತ್ರಗಳಲ್ಲಿ ಸಣ್ಣ ಪಾತ್ರಗಳನ್ನು ಮಾಡಿಕೊಂಡು ಬಂದಿರುವೆ. ಈಗ ರೈಮ್ಸ್ ಮೂಲಕ ಪೂರ್ಣ ಪ್ರಮಾಣದಲ್ಲಿ ನಾಯಕನಾಗಿ ಬರುತ್ತಿದ್ದೇನೆ. ಹೊಸ ರೀತಿಯ ಅನುಭವ ಕೊಟ್ಟಸಿನಿಮಾ ಇದು’ ಎಂದರು ಅಜಿತ್ ಜಯರಾಜ್. ಸುಷ್ಮಾ ನಾಯರ್, ಪೊಲೀಸ್ ಅಧಿಕಾರಿ ಪತ್ನಿ ಪಾತ್ರ ಮಾಡಿದ್ದಾರೆ. ಅಭಿನಯ, ಮಿಮಿಕ್ರಿಗೋಪಿ, ಅರ್ಪಣ, ಚನ್ನರಾಜು, ಬೇಬಿ ಬಾಸುಮತಿ  ಮುಂತಾದವರ ತಾರಾಗಣವಿದೆ.

ಚಿತ್ರದಲ್ಲಿ ಯಾವುದೇ ಫೈಟ್ ಹಾಗು ಹಾಡುಗಳು ಇಲ್ಲ. ಆದರೆ ಒಂದು ರೈಮ್ಸ್ ಮಾತ್ರ ಈ ಚಿತ್ರದಲ್ಲಿ ಇದ್ದು ಆರಂಭದಿಂದ ಕೊನೆಯವರೆಗೂ ಚಿತ್ರದ ಕತೆಯನ್ನ ವಿಭಿನ್ನವಾಗಿ ಹೇಳುತ್ತದೆ. ಸಿನಿ ಪ್ರೇಕ್ಷಕರು ಈ ಚಿತ್ರವನ್ನ ಒಪ್ಪಿಕೊಳ್ಳುತ್ತಾರೆ ಅನ್ನುವ ನಂಬಿಕೆ ನಮಗಿದೆ ಅನ್ನುತ್ತಿದೆ ಚಿತ್ರತಂಡ.

ವರದಿ : ಪ್ರೀತಿಕಾ ಹೆಗ್ಡೆ