ಸದ್ಯ ಅಡಿಲೇಡ್ ಸ್ಟ್ರೈಕರ್ಸ್​​ ಹಾಗೂ ಮೆಲ್ಬೋರ್ನ್​​ ರೆನೆಗೆಡ್ಸ್​ ನಡುವಣ ಪಂದ್ಯದಲ್ಲಿ ನಡೆದ ಘಟನೆಯ ವಿಡಿಯೋ ಒಂದು ಎಲ್ಲಡೆ ವೈರಲ್ ಆಗುತ್ತಿದೆ.

ಮೆಲ್ಬೋರ್ನ್​ ತಂಡ ಟಾರ್ಗೆಟ್ ಬೆನ್ನಟ್ಟುತ್ತಿದ್ದ 17ನೇ ಓವರ್​ನಲ್ಲಿ ಘಟನೆಯೊಂದು ನಡೆಯಿತು. ರಶೀದ್ ಖಾನ್ ಎಸೆದ ಗೂಗ್ಲಿಯನ್ನು ಸರಿಯಾಗಿ ಕನೆಕ್ಟ್​​​ ಮಾಡುವಲ್ಲಿ ಬ್ಯೂ ​ ವೆಬ್​ಸ್ಟೆರ್ ಎಡವಿದರು. ಚೆಂಡು ಬ್ಯಾಟ್ಸ್​ಮನ್​​ ಪ್ಯಾಡ್ ತಾಗಿದ ಪರಿಣಾಮ ರಶೀದ್ ಖಾನ್ ಸೇರಿ ತಂಡದ ಇತರೆ ಆಟಗಾರರು ಎಲ್​ಬಿ ಔಟ್​ಗಾಗಿ ಅಂಪೈರ್​ಗೆ ಮನವಿ ಮಾಡಿದರು.ಈ ಸಂದರ್ಭ ಅಂಪೈರ್ ಡೇವಿಡ್​ಸನ್​ ಔಟ್ ಎಂದು ಅರ್ಧ ಕೈ ಮೇಲೆತ್ತಿದರು. ಆದರೆ, ಅರ್ಧ ಕೈ ಮೇಲೆತ್ತಿದ ಹೊತ್ತಿಗೆ ಔಟ್ ಅಲ್ಲ ಎಂದು ಅಂಪೈರ್​ಗೆ ಅನಿಸಿದೆ. ಬಳಿಕ ಕೈ ಯನ್ನು ಮೂಗಿನ ಮೇಲೆ ಉಜ್ಜುವ ಮೂಲಕ ಇದು ನಾಟೌಟ್ ಎಂದಿದ್ದಾರೆ.ಅಂಪೈರ್ ಕೈ ಎತ್ತಲು ಶುರು ಮಾಡಿದ್ದನ್ನು ಗಮನಿಸಿದ ರಶೀದ್ ಖಾನ್ ಅದಾಗಲೆ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದರು. ಇತ್ತ ಬ್ಯಾಟ್ಸ್​​ಮನ್​ ಕೂಡ ತಾನು ಔಟ್ ಎಂದು ನಿರಾಸೆಯಾಗಿದ್ದರು. ಬಳಿಕ ಫೀಲ್ಡಿಂಗ್ ತಂಡದ ಬಳಿಕ ತಾನು ಔಟ್ ಕೊಟ್ಟಿಲ್ಲ, ಇದು ನಾಟೌಟ್ ಎಂದು ಅಂಪೈರ್​​ ಹೇಳಿದರು.