ಚಿಕ್ಕಮಗಳೂರಿನಲ್ಲಿ ರಾತ್ರೋ ರಾತ್ರಿ ಕಲ್ಲು ತೂರಾಟ ನೆಡೆದಿದೆ .ರಾತ್ರಿ ಆದರೆ ಸಾಕು ಯಾರೋ ಮನೆಯಮೇಲೆ ಕಲ್ಲು ತೂರಾಟ ನೆಡೆಸುತ್ತಿದ್ದಾರೆ,ಎಂದು ಮನೆಯವರು ದೂರು ನೀಡಿದ್ದಾರೆ.

ಚಿಕ್ಕಮಗಳೂರು ಜಿಲ್ಲೆ ಶೃಂಗೇರಿ ತಾಲೂಕಿನ ಧರೆಕೊಪ್ಪ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹೊನ್ನವಳ್ಳಿ ಗ್ರಾಮದ ರಾಘವೇಂದ್ರ ಶೆಟ್ಟಿ ಎಂಬುವರ ಮನೆಯ ಮೇಲೆ ಈ ಗುರುವಾರದಿಂದ ರಾತ್ರಿಯಿಂದ ನಿರಂತರವಾಗಿ 15 ನಿಮಿಷಕ್ಕೊಮ್ಮೆ ಕಲ್ಲುಗಳು ಬೀಳುತ್ತಿವೆ. ಈ ವೇಳೆ ಸಾರ್ವಜನಿಕರ ಸಹಾಯದೊಂದಿಗೆ ಮನೆಯ ಸುತ್ತ ಹುಟುಕಾಟ ನಡೆಸಿದರೂ ಏನೂ ಗೊತ್ತಾಗಲಿಲ್ಲ.

ಈ ಹಿನ್ನಲೆಯಲ್ಲಿ ಮನೆಯವರು ಗಾಬರಿಗೊಂಡಿದ್ದಾರೆ.ಇದರಿಂದ ಮನೆಯ ಮಾಲೀಕ ರಾಘವೇಂದ್ರ ಶೆಟ್ಟಿ ಶೃಂಗೇರಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಸ್ಥಳಕ್ಕೆ ಬಂದ ಪೊಲೀಸರ ತಂಡ ಹಾಗೂ ಶ್ವಾನದಳದ ಸಿಬ್ಬಂದಿ ತನಿಖೆ ನಡೆಸಿದ್ದಾರೆ.