ಸೋಮಾಲಿಯಾ : ಇಲ್ಲಿನ ಮೊಗಾದಿಶು ನಗರದಲ್ಲಿ ಬಾಂಬ್ ದಾಳಿ ನಡೆದಿದ್ದು,  ಈ ಘಟನೆಯಲ್ಲಿ 76 ಕ್ಕೂ ಹೆಚ್ಚು ಜನ ಮೃತ ಪಟ್ಟಿದ್ದರೆ, 50 ಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯಗಳಾಗಿವೆ. ಸಾವಿನ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.

ಇನ್ನು ಇತ್ತೀಚಿಗೆ ಉಗ್ರರು ಸೋಮಾಲಿಯದಲ್ಲಿ ಸರಣಿ ದಾಳಿಗಳನ್ನು ನಡೆಸುತ್ತಿದ್ದಾರೆ. ಆಫ್ರಿಕಾ ಯುನಿಯನ್ ಹಾಗೂ ವಿಶ್ವಸಂಸ್ಥೆ ಬೆಂಬಲಿತ ಸೋಮಾಲಿಯಾ ಸರ್ಕಾರದ ಪ್ರಭಾವವನ್ನು ಕಡಿಮೆಗೊಳಿಸಲು 
ಅಲ್ ಶಬಾಬ್ ಉಗ್ರ ಸಂಘಟನೆ ಈ ರೀತಿಯ ಕೃತ್ಯಗಳನ್ನು ನಡೆಸುತ್ತಿದೆ ಎಂದು ಹೇಳಲಾಗುತ್ತಿದೆ.ಆದರೆ ಇದುವರೆಗೂ ಯಾವುದೇ ಸಂಘಟನೆ ದಾಳಿಯ ಹೊಣೆ ಹೊತ್ತಿಕೊಂಡಿಲ್ಲ.

ಅಲ್ ಶಬಾಬ್ ಇದು ಅಲಖೈದಾ ಉಗ್ರ ಸಂಘಟನೆಗೆ ಸಂಭಂದಿಸಿದ್ದು ಆಫ್ರಿಕಾ ಭಾಗದಲ್ಲಿ ಉಗ್ರ ಕೃತ್ಯಗಳನ್ನು ನಡೆಸುತ್ತಿದೆ.

 ಈ ಮುಂಚೆ 2017 ರಲ್ಲಿ  ಇದೇ ಮೊಗದಿಶುವಿನಲ್ಲಿ      ಪೆಟ್ರೋಲ್ ಲಾರಿ ಪಕ್ಕದಲ್ಲೇ  ಬಾಂಬ್ ಸ್ಫೋಟಿಸಿದ್ದ ಉಗ್ರರು 600 ಜನರ ಸಾವಿಗೆ ಕಾರಣರಾಗಿದ್ದರು.