ಟಿ20 ವಿಶ್ವಕಪ್ ಗೆ ಕನ್ನಡದ ವೇಗಿಗೆ ಸ್ಥಾನ...? ಸುಳಿವು ಕೊಟ್ಟ ಕೊಹ್ಲಿ

ಇದೇ ವರ್ಷ ಅಕ್ಟೋಬರ್ - ನವೆಂಬರ್ ನಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಐಸಿಸಿ ಟಿ-20ವಿಶ್ವಕಪ್ ಗೆ ಕರ್ನಾಟಕದ ವೇಗದ ಬೌಲರ್ ಪ್ರಸಿದ್ಧ್ ಕೃಷ್ಣರನ್ನು ಆಯ್ಕೆ ಮಾಡುವ ಸುಳಿವು ನೀಡಿದ್ದಾರೆ.

ಐಪಿಎಲ್ ನಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪರ ಆಡುವ ಪ್ರಸಿಧ್ಧ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದು ಅಚ್ಚರಿಯ ಆಯ್ಕೆ ನಿರೀಕ್ಷಿಸಿ ಎಂದಿದ್ದಾರೆ.

ಮಂಗಳವಾರ ಶ್ರೀಲಂಕಾ ವಿರುದ್ಧ 7 ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿದ ಬಳಿಕ ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಜಸ್ ಪ್ರೀತ್ ಬುಮ್ರಾ, ನವ್ ದೀಪ್ ಸೈನಿ, ಶಾರ್ದುಲ್ ಠಾಕೂರ್ ಈ ಮೂವರು ವೇಗಿಗಳನ್ನು ಹೊಗಳುವ ವೇಳೆ ಪ್ರಸಿಧ್ಧ್ ಹೆಸರನ್ನು ಬಳಸಿದ್ದು ಅಚ್ಚರಿಗೆ ಕಾರಣವಾಯಿತು.

ಟಿ-20ವಿಶ್ವಕಪ್ ಗೆ ತಂಡ ಸಿದ್ಧಗೊಳ್ಳುತ್ತಿದೆ, ಸೂಕ್ತ ಆಟಗಾರರನ್ನು ಗುರುತಿಸಲಾಗುತ್ತಿದೆ, ಒಬ್ಬ ಆಟಗಾರನ ಆಯ್ಕೆ ಅಚ್ಚರಿ ಮೂಡಿಸಬಹುದು ಎಂದು ನಾಯಕ ವಿರಾಟ್ ಕೊಹ್ಲಿ ಹೇಳಿದರು.