ಯೋಗ್ ರಾಜ್ ಭಟ್ ನಿರ್ದೇಶನದ ಗಾಳಿಪಟ -2 ಸಿನಿಮಾದಲ್ಲಿ  ಶರ್ಮಿಳಾ ಮಾಂಡ್ರೆ ಕಾಲೇಜ್ ಉಪನ್ಯಾಸಕಿ ಪಾತ್ರ ನಿರ್ವಹಿಸಿದ್ದಾರೆ. ಈಗಾಗಲೇ ಕುದುರೆ ಮುಖದಲ್ಲಿ ನಡದ ಮೊದಲನೇ ಹಂತದ ಶೂಟಿಂಗ್ ನಲ್ಲಿ ಅವರು ಕೂಡ ಭಾಗಿಯಾಗಿದ್ದಾರೆ.
ಅಂದುಕೊಂಡಂತೆ ಆಗಿದ್ದರೆ ನಾನು ಗಾಳಿಪಟ ಸಿನಿಮಾದಲ್ಲಿಯೇ ನಟಿಸಬೇಕಿತ್ತು. ಆ ಸಮಯದಲ್ಲಿ ಬೇರೆ ಸಿನಿಮಾದಲ್ಲಿ ನಾನು ಬಿಝಿ ಆದ ಕಾರಣದಿಂದ ನಟಿಸಲು ಆಗಲಿಲ್ಲ. ಭಟ್ಟರ ಸಿನಿಮಾದಲ್ಲಿ ನಾನು ನಟಿಸಲ್ಲಿಲ ಎಂಬ ಕೊರಗು ಇತ್ತು.
 ಈಗ ಕನಸು ನನಸಾಗಿದೆ ಎಂದು ಶರ್ಮಿಳ ಹೇಳಿದ್ದಾರೆ.

ಗಾಳಿಪಟ ಸಿನಿಮಾದಲ್ಲಿ ಡೈಸಿ ಬೋಪಣ್ಣ ಮಾಡಿದ ಪಾತ್ರದಂತೆಯೇ ಶರ್ಮಿಳಾ ಪಾತ್ರವಿದೆ ಎಂದು ಹೇಳಲಾಗುತ್ತದೆ. ಆದರೆ ಈ ಕುರಿತು ಚಿತ್ರತಂಡ ಯಾವುದೇ ಹೆಚ್ಚಿನ ಮಾಹಿತಿಯನ್ನ ಬಿಟ್ಟುಕೊಟ್ಟಿಲ್ಲ. ಈ ಸಿನಿಮಾದಲ್ಲಿ ಗಣೇಶ್, ದಿಗಂತ್ ಮತ್ತು ಪವನ್ ಕುಮಾರ್ ನಾಯಕರಾಗಿ ನಟಿಸುತ್ತಿದ್ದಾರೆ. ಹಿರಿಯ ನಟ ಅನಂತ್ ನಾಗ್ ಕೂಡ ಈ ಸಿನಿಮಾದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ.