ಬಾಲಿವುಡ್ ಸ್ಟಾರ್ ಕಪಲ್ ಎಂದೇ ಖ್ಯಾತರಾಗಿರುವ ದೀಪಿಕಾ ಪಡುಕೊಣೆ ಹಾಗೂ ರಣ್ ವೀರ್ ಸಿಂಗ್ ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್  ಬ್ಯುಸಿಯಾಗಿದ್ದಾರೆ. ರಣ್ವೀರ್ ಸಿಂಗ್ ಪೋಸ್ಟ್ ಗಳಿಗೆ ಕಮೆಂಟ್ ಮಾಡುವ ಮೂಲಕ ದೀಪಿಕಾ ಆಗಾಗ ಸುದ್ದಿಯಾಗುತ್ತಿರುತ್ತಾರೆ. ಅಂತೆಯೇ ಇದೀಗ ದೀಪಿಕಾ ತನ್ನ  ಪತಿಗೆ ಸ್ವೀಟ್ ತರುವುದಕ್ಕೆ ಹೇಳಿ ಮತ್ತೆ ಸುದ್ದಿಯಲ್ಲಿದ್ದಾರೆ.

ಹೌದು. ರಣ್ ವೀರ್ ಸಿಂಗ್ ಮುಂಬರುವ ಸ್ಪೋರ್ಟ್ಸ್ ಡ್ರಾಮಾ ಪ್ರಮೋಶನ್ ಗಾಗಿ ಚೆನ್ನೈಗೆ ತೆರಳಿದ್ದರು. ಅಲ್ಲಿಂದ ಹೊರಡುವ ಮೊದಲು ರಣ್ ವೀರ್, ಇನ್ ಸ್ಟಾದಲ್ಲಿ ಒಂದು ಫೋಟೋ ಹಾಕಿ ಚೆನ್ನೈನಿಂದ ಹೊರಟಿರುವುದಾಗಿ ತಿಳಿಸಿದ್ದಾರೆ. 

 ರಣ್ ವೀರ್ ಪೋಸ್ಟ್ ಮಾಡುತ್ತಿದ್ದಂತೆಯೇ ಕಮೆಂಟ್ ಮಾಡಿರುವ ದೀಪಿಕಾ, ಬರುವಾಗ ದಕ್ಷಿಣ ಭಾರತದ ಪ್ರಸಿದ್ಧ ಸಿಹಿ ತಿನಿಸಾದ ಮೈಸೂರು ಪಾಕ್ 1 ಕೆ.ಜಿ ಹಾಗೂ ಎರಡೂವರೆ ಕೆ.ಜಿ ಗರಿಗರಿಯಾಗಿರುವ ಪೊಟಾಟೋ ಚಿಪ್ಸ್ ಮರೆಯದೇ ತನ್ನಿ ಎಂದು ಬರೆದಿದ್ದಾರೆ.