ಅಸ್ಸಾಂ : ಗಣರಾಜ್ಯೋತ್ಸವದ ದಿನವೇ ಅಸ್ಸಾಂನ ವಿವಿಧೆಡೆ ಸರಣಿ ಗ್ರೆನೇಡ್ ಸ್ಫೋಟಗಳು ಸಂಭವಿಸಿದ್ದು , ರಾಜ್ಯದಲ್ಲಿ ಆತಂಕ ಮನೆ ಮಾಡಿದೆ. ಇಂದು ಬೆಳಿಗ್ಗೆ  ದಿಬ್ರುಘಡ್ ನಲ್ಲಿ ಮೂರು ಕಡೆ ಹಾಗೂ ಚಾರೈಡಿಯೋದಲ್ಲಿ ಒಂದೂ ಕಡೆ ಸ್ಫೋಟ ಸಂಭವಿಸಿದೆ. 

ಇಂದು ಬೆಳಿಗ್ಗೆ ಸುಮಾರು 8 ಗಂಟೆಗೆ ಸ್ಫೋಟ ಸಂಭವಿಸಿದ್ದು , ಬೈಕ್ ನಲ್ಲಿ ಬಂದ ಶಂಕಿತರಿಬ್ಬರು ಸ್ಫೋಟಗಳನ್ನು ಎಸೆದು ಹೋಗಿದ್ದರೆ ಎಂದು ಘಟನೆ ಬಗ್ಗೆ ಸ್ಥಳೀಯರು ಮಾಹಿತಿ ನೀಡಿದ್ದಾರೆ. ಸ್ಫೋಟದ ನಂತರ ಸ್ಥಳಕ್ಕೆ ಹಿರಿಯ ಅಧಿಕಾರಿಗಳು ಹಾಗೂ ರಕ್ಷಣಾ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಇನ್ನು ಘಟನೆಯನ್ನು ಅಸ್ಸಾಂ ಮಖ್ಯಮಂತ್ರಿ ಸರ್ಬಾನಂದ ಸೋನೆವಾಲ್ ಖಂಡಿಸಿದ್ದು,  ಪವಿತ್ರ ದಿನದಂದು ಜನರಲ್ಲಿ ಭಯ ಹುಟ್ಟಿಸಲು ಈ ರೀತಿಯ ಕೃತ್ಯ ಎಸಗಲಾಗಿದೆ. ಇದು ಭಯೋತ್ಪಾದಕ ಸಂಘಟನೆಗಳ ಹತಾಶೆಯನ್ನು ತೋರಿಸುತ್ತದೆ ಎಂದು ಹೇಳಿದ್ದಾರೆ.