ಭಾರತ ತಂಡದ ನಾಯಕ ಮತ್ತು ಆಯ್ಕೆ ಸಮಿತಿಯೊಂದಿಗೆ ಧೋನಿ ಮಾತುಕತೆ: ಗಂಗೂಲಿ

ಮಹೇಂದ್ರ ಸಿಂಗ್ ಧೋನಿ ತಮ್ಮ ಭವಿಷ್ಯದ ಕುರಿತು ಭಾರತ ತಂಡದ ನಾಯಕ ಮತ್ತು ಆಯ್ಕೆ ಸಮಿತಿಯೊಂದಿಗೆ ಖಂಡಿತವಾಗಿ ಮಾತನಾಡಿರಬಹುದು ಎಂಬ ವಿಶ್ವಾಸವಿದೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಹೇಳಿದರು.

ಧೋನಿಗೆ ತಮ್ಮ ಭವಿಷ್ಯದ ಬಗ್ಗೆ ನಿರ್ಧರಿಸುವ ಸಂಪೂರ್ಣ ಹಕ್ಕು ಇದೆ. ಅವರ ನಿರ್ಧಾರ ಏನೆಂಬುದು ಗೊತ್ತಿಲ್ಲ. ಇಂಗ್ಲೆಂಡ್ ನಲ್ಲಿ ನಡೆದ ವಿಶ್ವಕಪ್ ಸೆಮಿಫೈನಲ್ ನಲ್ಲಿ  ಭಾರತ ತಂಡವು ಸೋತ ನಂತರ ಧೋನಿ ಯಾವುದೇ ಸರಣಿಯಲ್ಲಿ ಆಡಿಲ್ಲ. ಧೋನಿ ಭಾರತ ಕ್ರಿಕೆಟ್ ಕ್ಷೇತ್ರದ ಉತ್ತಮ ನಾಯಕ ಎಂದು ಶ್ಲಾಘಿಸಿದರು.

ಆದರೆ ದೋನಿ ಭವಿಷ್ಯದ ಕುರಿತು ಮಾತನಾಡಲು ಇದು ವೇದಿಕೆ ಅಲ್ಲ ಎಂದು ಗಂಗೂಲಿ  ಇಂಡಿಯಾ ಟುಡೆ ಯ ಇನ್ಸ್ಪಿರೇಶನ್ ಕಾರ್ಯಕ್ರಮದಲ್ಲಿ ಹೇಳಿದರು.

ಆಸ್ಟ್ರೇಲಿಯಾ ಸವಾಲು: ಮುಂದಿನ ವರ್ಷ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟೆಸ್ಟ್ ಸರಣಿಯಲ್ಲಿ ಜಯಿಸುವುದು ಭಾರತಕ್ಕೆ ನಿಜವಾದ ಸವಾಲು. ಈ ಸವಾಲನ್ನು ವಿರಾಟ್ ಕೊಹ್ಲಿ ನಾಯಕತ್ವದ ತಂಡವು ಯಶಸ್ವಿಯಾಗಿ ಎದುರಿಸಲಿದೆ. ಹೊಸದೊಂದು ಇತಿಹಾಸ ರಚಿಸಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.