ಭಾರತ ಹಾಗೂ ವೆಸ್ಟ್ ಇಂಡೀಸ್ ವಿರುದ್ಧ ಏಕದಿನ ಪಂದ್ಯಕ್ಕೆ ಚೆನ್ನೈ ನ ಚೆಪಕ್ ಅಂಗಳ ಸಾಕ್ಷಿಯಾಗಲಿದೆ. ಭರ್ಜರಿ ಫಾರ್ಮ್ ನಲ್ಲಿರುವ ಟೀಮ್ ಇಂಡಿಯಾ ಪ್ರವಾಸಿ ವಿಂಡೀಸ್ ವಿರುದ್ಧದ  ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಗೆಲುವಿನ ಫೇವರೆಟ್ ತಂಡವಾಗಿ ಕಣಕ್ಕಿಳಿಯುತ್ತಿದೆ. 

ಸತತ 9 ಸರಣಿಯನ್ನು ಗೆದ್ಡಿರುವ ಭಾರತ ಈಗ ವೆಸ್ಟ್ ವಿಂಡೀಸ್ ವಿರುದ್ಧ ಜಯವನ್ನು ಬಾರಿಸಿ ಹತ್ತನೇ ದ್ವೀಪಕ್ಷಿಯ ಸರಣಿ ಗೆಲ್ಲುವ ತವಕದಲ್ಲಿದೆ. ಟಿ20 ಸರಣಿಯಲ್ಲಿ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಕೊಹ್ಲಿ ಬಳಗ ಈಗ ಏಕದಿನ ಸರಣಿಯಲ್ಲಿಯೂ ಮಿಂಚಲು ರೆಡಿಯಾಗಿದ್ದಾರೆ.

ಇತ್ತ  ಟಿ20 ಸರಣಿಯನ್ನು ಸೋತಿರುವ ವೆಸ್ಟ್ ಇಂಡೀಸ್ ತಂಡ ಏಕದಿನ ಸರಣಿಯಲ್ಲಿ ತಿರುಗೇಟು ನೀಡುವ ವಿಶ್ವಾಸದಲ್ಲಿದೆ.ನಾಯಕ ಕೀರನ್ ಪೋಲಾರ್ಡ್ ಹಾಗೂ ಯುವ ಆಟಗಾರರಾದ ಶಿಮ್ರಾನ್ ಹೆಟ್ಮಾಯರ್ ಹಾಗು ನಿಕೋಲಸ್ ಪೂರನ್ ಯಾವುದೇ ಸಂದರ್ಭದಲ್ಲಿ ಪುಟಿದೇಳುವ ಸಾಮರ್ಥ್ಯ ಹೊಂದಿದ್ದಾರೆ.