ರಕ್ಷಿತ್ ಶೆಟ್ಟಿ ಹಾಗೂ ಶಾನ್ವಿ ಶ್ರೀವತ್ಸವ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಕನ್ನಡದ ಬಹು ನಿರೀಕ್ಷಿತ ಸಿನಿಮಾ ಅವನೇ  ಶ್ರೀಮನ್ನಾರಾಯಣ  ಚಿತ್ರ ಪಂಚಭಾಷೆಯಲ್ಲಿ ತೆರೆಗೆ ಬರಲು ಸಜ್ಜಾಗಿದೆ .ಇತ್ತೀಚೆಗಷ್ಟೆ ಹೈದರಾಬಾದ್ ನಲ್ಲಿ ಸಿನಿಮಾದ ಪ್ರಮೋಷನ್ ಕಾರ್ಯಕ್ರಮ ಮಾಡಲಾಗಿತ್ತು .ಈ ಕಾರ್ಯಕ್ರಮದಲ್ಲಿ ಶಾನ್ವಿ ಶ್ರೀವತ್ಸವ್ ಕೂಡ ಭಾಗಿಯಾಗಿದ್ದರು .

ಶಾನ್ವಿ ಶ್ರೀವತ್ಸವ್ ಕೆರಿಯರ್ ಶುರುವಾಗಿದ್ದು ಟಾಲಿವುಡ್ ನಲ್ಲೆ. 2012ರಲ್ಲಿ  ಬಂದ 'ಲವ್ಲಿ' ಶಾನ್ವಿಯ ಮೊದಲ ಸಿನಿಮಾ.ಆದರೆ ಯಾಕೋ ಟಾಲಿವುಡ್ ನಲ್ಲಿ ಹೆಚ್ಚು ಅವಕಾಶಗಳು ಶಾನ್ವಿಗೆ ಸಿಗಲಿಲ್ಲ .ಸುಮಾರು ಒಂದೂವರೆ ವರ್ಷದ ಕಾಲ ಕೆಲಸವೇ ಇಲ್ಲದ ಹಾಗೆ ಹೋಗಿತ್ತಂತೆ .ಇದರಿಂದಾಗಿ ಶಾನ್ವಿ ತಮ್ಮ ಮೇಲಿನ ಆತ್ಮವಿಶ್ವಾಸ ಕಳೆದುಕೊಂಡಿದ್ದಾರಂತೆ .ಹೀಗಾಗಿ ಹೈದರಾಬಾದ್ ಗೆ ಹೋಗುವುದನ್ನು ನಿಲ್ಲಿಸಿದ್ದೆ ಎಂದು ನಟಿ ಶಾನ್ವಿ ಶ್ರೀವತ್ಸವ್ ಪ್ರಮೋಷನ್ ಕಾರ್ಯಕ್ರಮದಲ್ಲಿ ತಮ್ಮ ಬೇಸರ ವ್ಯಕ್ತ ಪಡಿಸಿಕೊಂಡರು .

ಆದರೆ ಎಲ್ಲದರ ಹಿಂದೆ ಒಂದು ಒಳ್ಳೆಯದು ಇರುತ್ತದೆ. ಅದೇ ಆ ಒಳ್ಳೆಯದು ಅವನೇ 
ಶ್ರೀಮನ್ನಾರಾಯಣ.ನನ್ನನ್ನು ನಾನು ಸಾಬೀತು ಮಾಡಿಕೊಳ್ಳಲು ಇದೊಂದು ಒಳ್ಳೆಯ ಅವಕಾಶ ಸಿಕ್ಕಿತು .ಸ್ಯಾಂಡಲ್ ವುಡ್ ಎಂಬ ಸುಂದರ ಇಂಡಸ್ಟ್ರಿಯಲ್ಲಿ ಕೆಲಸ ಮಾಡಲು ಅವಕಾಶ ಸಿಕ್ಕಿದೆ .ಸ್ಯಾಂಡಲ್ ವುಡ್ ಯಾವುದರಲ್ಲೂ ಕಡಿಮೆ ಇಲ್ಲ. ಅದು ಈ ಸಿನಿಮಾ ತೋರಿಸುತ್ತದೆ ಎಂದು ಹೇಳಿದರು .