ನವದೆಹಲಿ : ರೈಲ್ವೆ ಇಲಾಖೆ ಆನ್ಲೈನ್ ನಲ್ಲಿ ಟಿಕೆಟ್ ಕಾಯ್ದಿರಿಸುವ ವೆಬ್ ಪೋರ್ಟಲ್ ನ್ನು ಅಪ್ಡೇಟ್ ಮಾಡಲಾಗಿದ್ದು ಪ್ರಯಾಣಿಕರಿಗೆ ಇನ್ನಷ್ಟು ಅನುಕೂಲ ಒದಗಿಸಿಕೊಟ್ಟಿದೆ. 

ಈ ಕುರಿತು ಟ್ವಿಟ್ ಮಾಡಿರುವ ಪಿಯೂಶ್ ಗೋಯಲ್ ಇನ್ನು ಕಿರಿಕಿರಿ ರಹಿತ ಪ್ರಯಾಣ ಮಾಡಬಹುದುು. ಪ್ರಯಾಣಿಕರು ಖಾಲಿ ಹಾಗೂ ಬುಕ್​ ಆಗಿರುವ ಸೀಟುಗಳ ಮಾಹಿತಿ ಇರುವ ಚಾರ್ಟ್​ನ್ನು ನೋಡಬಹುದು ಎಂದು ಹೇಳಿದ್ದಾರೆ.

ಐಆರ್ ಸಿಟಿಸಿ ವೆಬ್ ನಲ್ಲಿ ಹಾಗೂ ಆಪ್ ನಲ್ಲಿ ಟಿಕೆಟ್ ಬುಕ್ ಮಾಡುವ ಪ್ರಯಾಣಿಕರು ಇನ್ಮುಂದೆ   
ರಿಸರ್ವೇಶನ್ ಚಾರ್ಟ್ ಅನ್ನು ಸುಲಭವಾಗಿ ಪಡೆದುಕೊಳ್ಳಬಹುದು.

ರೈಲು ಹೊರಡುವ ನಾಲ್ಕು ತಾಸುಗಳ ಮೊದಲು ಚಾರ್ಟ್​ ಸಿದ್ಧವಾಗಲಿದೆ. ಕೊನೆಯ ಚಾರ್ಟ್​ನ್ನು ರೈಲು ಹೊರಡುವ ಮೂವತ್ತು ನಿಮಿಷಗಳ ಮೊದಲು ಅಂತಿಮಗೊಳಿಸಲಾಗುತ್ತದೆ. ಹೀಗಾಗಿ, ಎರಡು ಪಟ್ಟಿಯನ್ನು ವೀಕ್ಷಿಸಬಹುದು..