ರಾಬರ್ಟ್ ಚಿತ್ರತಂಡ ಇವತ್ತು ದರ್ಶನ್ ಅಭಿಮಾನಿಗಳಿಗೆ ಕ್ರಿಸ್‌ಮಸ್ ಗಿಫ್ಟ್ ಕೊಡ್ತಿದೆ. ಇವತ್ತು ಬೆಳಗ್ಗೆ 11:45 ಕ್ಕೆ ಯುಟ್ಯೂಬ್‌ನಲ್ಲಿ ರಾಬರ್ಟ್ ಚಿತ್ರದ ಫಸ್ಟ್ ಲುಕ್ ಮೋಷನ್ ಪೋಸ್ಟರ್‌ ಬಿಡುಗಡೆಯಾಗಲಿದೆ. ಈಗಾಗ್ಲೇ ಫಸ್ಟ್‌ಲುಕ್‌ ಪೋಸ್ಟರ್‌ಗೆ ದಿನಗಣನೆ ಮಾಡ್ತಿದ್ದ ಅಭಿಮಾನಿಗಳ ಸಂತಸ ತಾರಕಕ್ಕೇರಿದೆ. ಸೋಷಿಯಲ್ ಮೀಡಿಯಾದಲ್ಲಿ ಮೋಷನ್ ಪೋಸ್ಟರ್‌ ಟಾಪ್ ಟ್ರೆಂಡ್ ಮಾಡೋಕೆ ಬಹುದಿನಗಳಿಂದ ಕಾಯ್ತಿದ್ದಾರೆ.

ಚಿತ್ರದ ಮೊದಲ ಪೋಸ್ಟರ್‌ನಲ್ಲಿ ಬೈಕ್ ಮೇಲೆ ದರ್ಶನ್‌ ಬೆನ್ನು ತೋರಿಸಿ ಕೂತಿದ್ರು. ಡಿಫ್ರೆಂಟ್ ಹೇರ್‌ಸ್ಟೈಲ್‌ನಲ್ಲಿ ಪೋಸ್‌ ಕೊಟ್ಟಿದ್ದ ದರ್ಶನ್ ಲುಕ್ ಹೆಂಗಿರುತ್ತೆ? ಡೈರೆಕ್ಟ್ ಆಗಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಕುತೂಹಲ ಅಂದಿನಿಂದಲೂ ಅಭಿಮಾನಿಗಳನ್ನ ಕಾಡ್ತಿತ್ತು. ಇನ್ನೇನು ಕೆಲ ಹೊತ್ತಿನಲ್ಲೇ ಇದಕ್ಕೆ ಉತ್ತರ ಸಿಗಲಿದೆ. ಸದ್ಯ ವಾರಣಾಸಿಯಲ್ಲಿ ಚಿತ್ರತಂಡ ಕೊನೆ ಹಂತದ ಚಿತ್ರೀಕರಣದಲ್ಲಿ ಬ್ಯುಸಿಯಿದ್ದು, ಅಲ್ಲಿಂದ ವಾಪಸ್ಸಾದ ನಂತ್ರ ಚಿತ್ರದ ಪೋಸ್ಟ್‌ಪ್ರೊಡಕ್ಷನ್ ನಡೆಯಲಿದೆ.

ತರುಣ್ ಸುಧೀರ್ ನಿರ್ದೇಶನದ ಸಿನಿಮಾ ಯುುಗಾದಿ ಹಬ್ಬಕ್ಕೆ ರಿಲೀಸ್ ಆಗೋ ಸಾಧ್ಯತೆಯಿದೆ. ಉಮಾಪತಿ ಬಂಡವಾಳ ಹಾಕಿದ್ದಾರೆ. ಆಶಾ ಭಟ್ ಚಿತ್ರದ ನಾಯಕಿ. ಅರ್ಜುನ್ ಜನ್ಯ ಹಾಡುಗಳಿಗೆ ಸಂಗೀತ ಹಾಗೂ ಹರಿಕೃಷ್ಣ ಹಿನ್ನಲೆ ಸಂಗೀತ ನೀಡಿದ್ದಾರೆ.