ನಟನೆಯಲ್ಲಿ ಸಖತ್ ಬಿಜಿಯಾಗಿರುವ ರಶ್ಮಿಕಾ ಮಂದಣ್ಣ ಭೀಷ್ಮ ಸಿನಿಮಾದ ಶೂಟಿಂಗ್ ಮುಗಿಯುತ್ತಿದ್ದಂತೆಯೇ ಇಟಲಿ ಪ್ರವಾಸ ಮಾಡಲಿದ್ದಾರಂತೆ.ನಿರಂತರವಾಗಿ ಶೂಟಿಂಗ್ ನಲ್ಲಿ ತೊಡಗಿಕೊಂಡಿರುವ ಕಾರಣ ಕೊಂಚ ಬಿಡುವು ಮಾಡಿಕೊಂಡು ಇಟಲಿ ಪ್ರವಾಸಿ ತಾಣಗಳಿಗೆ ಭೇಟಿ ಕೊಡಲಿದ್ದಾರೆ.

"ಇಟಲಿಯಲ್ಲಿ ನನ್ನ ಅನೇಕ ಫ್ರೆಂಡ್ಸ್ ಇದ್ದಾರೆ ಅಲ್ಲದೆ ನೋಡುವಂತ ಅನೇಕ ಸ್ಥಳಗಳಲ್ಲಿವೆ ಈ ಬಾರಿ ಪ್ರವಾಸ ಮಾಡಬೇಕು ಎಂದುಕೊಂಡಿದ್ದೇನೆ" ಎಂದಿದ್ದಾರೆ.

ಪೊಗರು ,ಸುಲ್ತಾನ್, ಸರಿಲೇರು, ನೀಕೆವ್ವರು, ಭೀಷ್ಮ ಸಿನಿಮಾಗಳ ಶೂಟಿಂಗ್ ನಂತರ ಅಲ್ಲು ಅರ್ಜುನ್ ನಟನೆಯ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಸುಕುಮಾರ್  ನಿರ್ದೇಶನದಲ್ಲಿ ಮೂಡಿಬರಲಿರುವ ಈ ಚಿತ್ರ ಹೊಸ ವರ್ಷದಿಂದ ಆರಂಭ ಮಾಡಲಾಗುತ್ತದೆ. ಒಳ್ಳೆಯ ಕಥೆ ಮತ್ತು ಬ್ಯಾನರ್  ಸಿಕ್ಕರೆ ಬಾಲಿವುಡ್ ಸಿನಿಮಾದಲ್ಲಿ ಅವರು ನಟಿಸುವ ಆಸಕ್ತಿ ಹೊಂದಿದ್ದು ಡೇಟ್ ಹೊಂದಾಣಿಕೆ ಆಗದೇ ಇರುವ ಕಾರಣಕ್ಕೆ ಈ ಹಿಂದೆ ತಾವು ಬಾಲಿವುಡ್ ಚಿತ್ರದಲ್ಲಿ ನಟಿಸಲು ಆಗಲಿಲ್ಲ ಎಂದು ರಶ್ಮಿಕಾ ಹೇಳಿದ್ದಾರೆ.