ಕಿರುತೆರೆ ತಾರೆಗಳ ಕ್ರಿಕೆಟ್,ಪೋಸ್ಟರ್ ಬಿಡುಗಡೆ...!

ಸಾಮಾಜಿಕ ಉದ್ದೇಶಕ್ಕಾಗಿ ವೋಟ್ ಮಾಡಿ ಡಾಟ್ ಇನ್ ಸಂಸ್ಥೆ, ದಿಗ್ವಿಜಯ24,7 ನ್ಯೂಸ್ ಮತ್ತು ವಿಜಯವಾಣಿ ಸಹಯೋಗದಲ್ಲಿ ಡಿ.28ರಂದು ಆಯೋಜಿಸಿರುವ ಟೆಲಿವಿಷನ್ ಕ್ರಿಕೆಟ್ ಲೀಗ್(ಟಿ ಸಿ ಎಲ್)-2019 ಪೋಸ್ಟರ್ ಬಿಡುಗಡೆ ಮಾಡಿದೆ.

ವಾಹಿನಿಗಳಲ್ಲಿ ಮೂಡಿಬರುತ್ತಿರುವ ಧಾರಾವಾಹಿಗಳ ನಟ-ನಟಿಯರೂ ಟೂರ್ನಿಯಲ್ಲಿ ಆಟವಾಡಲಿದ್ದು, ಅಭಿಮಾನಿಗಳು ನೇರವಾಗಿ ವೀಕ್ಷಿಸಬಹುದು. ನಟ- ನಟಿಯರು ತಮ್ಮಲ್ಲಿರುವ ಕ್ರೀಡಾ ಪ್ರತಿಭೆ ತೋರಿಸುವ ಮೂಲಕ ಅಭಿಮಾನಿಗಳಿಗೆ ಮತ್ತಷ್ಟು ಹತ್ತಿರವಾಗಬಹುದು.

ಟೂರ್ನಿಯು ಜಯನಗರದ ಕಿತ್ತೂರು ರಾಣಿ ಚೆನ್ನಮ್ಮ   ಸ್ಟೇಡಿಯಂ ನಲ್ಲಿ  ನಡೆಯಲಿದೆ. ಟೂರ್ನಿಯಲ್ಲಿ ಒಟ್ಟಾರೆ ಆರು ತಂಡಗಳಿವೆ. ವಿಜೇತರಾದವರು ಟಿ ಸಿ ಎಲ್ ಕನ್ನಡ ಟ್ರೋಫಿ ಪಡೆದುಕೊಳ್ಳಲಿದ್ದಾರೆ.

8 ಓವರ್ ಗಳ ಪಂದ್ಯ ಇದಾಗಿದ್ದು, ಎಲ್ಲಾ ನಿಯಮಗಳನ್ನು ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್(ಕೆ ಎಸ್ ಸಿ ಎ) ರೂಪಿಸಿದೆ.