ವರ್ಣತರಂಗ ಚಿತ್ರದ ಮುಹೂರ್ತವು ಧರ್ಮಗಿರಿ ಶ್ರೀ ಮಂಜುನಾಥ ಸ್ವಾಮಿ ದೇವಾಲಯದಲ್ಲಿ ನಡೆಯಿತು. ಪಾಷಾಣಮೂರ್ತಿ ಸಿನಿ ಕ್ರಿಯೇಷನ್ಸ್ ಬ್ಯಾನರ್ ನಲ್ಲಿ ಮೂಡಿಬರುತ್ತಿರುವ ಈ  ಚಿತ್ರದಲ್ಲಿ ತಿಲಕ್ ಹಾಗೂ ಮೇಘನಾ ನಾಯಕ, ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ವರ್ಧನ್, ನವೀನ್ ಡಿ ಪಡೀಲ್, ರಮೇಶ್ ಪಂಡಿತ್, ಬಿರಾದಾರ್ ಮುಂತಾದವರ ದೊಡ್ಡ ತಾರಬಳಗವಿದೆ.  

"ಚಿತ್ರದ ಕಥೆ ವಿಭಿನ್ನವಾಗಿದ್ದು, ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಕಥೆಯಾಗಿದೆ ಮತ್ತು ಮೇಕಿಂಗ್ ನಲ್ಲೂ ಭಿನ್ನವಾಗಿ ಮೂಡಿಬರಲಿದೆ. ಇಲ್ಲಿ ಮನುಷ್ಯನ ಗುಣಗಳನ್ನ ವರ್ಣಗಳ ಮೂಲಕ ತೋರಿಸುವ ಪ್ರಯತ್ನ ಮಾಡುತ್ತಿದ್ದೇವೆ . ಸಿನಿ ಪ್ರಿಯರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗುತ್ತೇವೆ ಅನ್ನೋ ನಂಬಿಕೆ ನಮಗಿದೆ" ಅನ್ನೋದು ನಿರ್ದೇಶಕ ತೀರ್ಥಶ್ ಮಾತು.

ನಾಯಕ ತಿಲಕ್ ಇದರಲ್ಲಿ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ಕಾಣಿಸಿ ಕೊಳ್ಳಲಿದ್ದಾರೆ. ಇದುವರೆಗೂ ಮಾಡಿದ ಪಾತ್ರಗಳಿಗಿಂತ ಭಿನ್ನವಾದ ಪಾತ್ರ ಅಭಿಮಾನಿಗಳ ಮನ ಗೆಲ್ಲುವಲ್ಲಿ ಯಶಸ್ವಿ ಯಾಗುತ್ತೇನೆ ಅನ್ನೋ ವಿಶ್ವಾಸ ವ್ಯಕ್ತಪಡಿಸಿದರು.

ನಾಯಕಿ ಮೇಘನಾ ರಿಪೋರ್ಟರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು ಫೆಬ್ರವರಿ 13 ರಿಂದ ಚಿತ್ರೀಕರಣ ಪ್ರಾರಂಭಗೊಳ್ಳಲಿದ್ದು ಬಹುಬೇಗ ಬೆಳ್ಳಿಪರದೆಯ ಮೇಲೆ ವರ್ಣ ತರಂಗ ಮೂಡಿಸಲು ಚಿತ್ರತಂಡ ಸಜ್ಜಾಗಿದೆ.

ವರದಿ: ಪ್ರೀತಿಕಾ ಹೆಗ್ಡೆ