ಅರ್ಜುನ್ ರೆಡ್ಡಿ ಸಿನಿಮಾ ಖ್ಯಾತಿಯ ಸೂಪರ್ ಸ್ಟಾರ್ ವಿಜಯ್ ದೇವರಕೊಂಡ ಅವರ ಮೊದಲ ಬಾಲಿವುಡ್ ಸಿನಿಮಾ ಫೈಟರ್ ಗೆ ಯುವ ನಟಿ ಅನನ್ಯ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಜಯ್ ನಟನೆಯ ಡಿಯರ್ ಕಾಮ್ರೇಡ್ ಸಿನಿಮಾದ ಹಿಂದಿ ರಿಮೇಕ್ ಎಂದು ಹೇಳಲಾಗುತ್ತಿರುವ ಫೈಟರ್ ಸಿನಿಮಾವನ್ನು ಕರಣ್ ಜೋಹರ್ ನಿರ್ಮಿಸುತ್ತಿದ್ದಾರೆ.
ಸ್ಟೂಡೆಂಟ್ ಆಫ್ ಥಿ ಇಯರ್ 2 ಸಿನಿಮಾ ಮೂಲಕ ಅನನ್ಯ ರನ್ನು ಬಾಲಿವುಡ್ಗೆ ಪರಿಚಯಿಸಿದ ಕರಣ್ ಜೋಹರ್ ತಮ್ಮ ಫೈಟರ್ ಸಿನಿಮಾಗೂ ಅವರನ್ನು ಪರಿಗಣಿಸಿದ್ದಾರೆ. ಈ ಮೊದಲು ಅವರು ಜಾನ್ವಿ ಕಪೂರ್ ರನ್ನು ಈ ಪಾತ್ರಕ್ಕೆ ಸಂಪರ್ಕಿಸಿದರು. ಆದರೆ ಅವರನ್ನು ಡೇ ಹೊಂದಾಣಿಕೆಯಾಗದ ಕಾರಣ ಈ ಸಿನಿಮಾದ ನಾಯಕಿ ಪಾತ್ರ ಅನನ್ಯ ಪಾಂಡೆಯ ಪಾಲಾಗಿದೆ.ಇದೀಗ ಅವರ ಜೊತೆ ನಟಿಸುವ ಅವಕಾಶ ಸಿಕ್ಕಿದ್ದಕ್ಕೆ ಅನನ್ಯ ಸಿಕ್ಕಾಪಟ್ಟೆ ಖುಷಿಯಾಗಿದ್ದಾರಂತೆ. ಸದ್ಯಕ್ಕೆ ಅನನ್ಯ ಪಾಂಡೆ ಲವ್ ಆಜ್ ಕಲ್ 2 ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಬಿಝಿಯಾಗಿದ್ದಾರೆ.ಯುವ ನಟರಾದ ಅನನ್ಯ ಮತ್ತು ವಿಜಯ್ ದೇವರಕೊಂಡ ಅವರ ಆನ್ ಸ್ಕ್ರೀನ್ ಕೆಮಿಸ್ಟ್ರಿ ಬಗ್ಗೆಯೂ ಕುತೂಹಲ ಹೆಚ್ಚಾಗಿದಿದೆ.