ಭಾರತದ ದೇಶೀಯ ವಿಮಾನಗಳನ್ನು ಮಾರ್ಚ್ 24ರ ಮಧ್ಯ ರಾತ್ರಿಯಿಂದ ಅನಿರ್ದಿಷ್ಟವಾಗಿ ಸ್ಥಗಿತಗೊಳಿಸಲಾಗುವುದು ಎಂದು ನಾಗರಿಕ ವಿಮಾನ ಸಚಿವಾಲಯ ತಿಳಿಸಿದೆ.

ವಿಮಾನಯಾನ ಸಂಸ್ಥೆಯು, ಮಾರ್ಚ್ 24 ರ ಒಳಗೆ ಪ್ರಯಾಣ ಬೆಳೆಸುವ ಅಥವಾ ಬೆಳೆಸಿರುವ ವಿಮಾನಗಳು ತಮ್ಮ ಸ್ಥಳಗಳಿಗೆ ಮಾರ್ಚ್ 24ರ ಮಧ್ಯರಾತ್ರಿಯ ಒಳಗೆ ಬಂದು ಸೇರುವಂತೆ ಯೋಜನೆಯನ್ನು ನಡೆಸಬೇಕಾಗಿದೆ.

ಇನ್ನು ಕಾರ್ಗೋ ವಿಮಾನಗಳು ಅಂದರೆ ಸರಕು ಸಾಗಿಸುವ ವಿಮಾನಗಳ ಮೇಲೆ ಈ ನಿರ್ಬಂಧ ಇರುವುದಿಲ್ಲ.

ಭಾರತದಲ್ಲಿ ಈವರೆಗೆ 433 ಕರೋನಾ ಸೋಂಕಿತ ಪ್ರಕರಣಗಳು ವರದಿಯಾಗಿವೆ. ಈ ಕೋರನ ಸಾಂಕ್ರಾಮಿಕ ರೋಗವನ್ನು ತಡೆಗಟ್ಟಲು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಬಹು ಮುಖ್ಯವಾಗಿದೆ. ಹಾಗೂ ಕೊರೋನಾ ಸೋಂಕಿತರ ಚಲನವಲನಗಳಿಂದ ಸೋಂಕು ಹರಡುವುದು ಹೆಚ್ಚಾಗುತ್ತದೆ. ಇವೆಲ್ಲವನ್ನೂ ತಡೆಗಟ್ಟುವ ಸಲುವಾಗಿ ಕೇಂದ್ರ ಸರ್ಕಾರ ಈ ಕ್ರಮ ತೆಗೆದುಕೊಂಡಿದೆ.