ಬಿಜೆಪಿಯ 3D ಕತೆ ಹೇಳಿದ ಪಿ.ಚಿದಂಬರಂ .......
ನಿನ್ನೆ ಜಾರ್ಖಂಡ್ ವಿಧಾನಸಭೆಯ ಫಲಿತಾಂಶ
ಹೊರಬಿದ್ದಿದ್ದು, ಆಡಳಿತರೂಢ ಬಿಜೆಪಿಯನ್ನು ಜನ ತಿರಸ್ಕರಿಸಿದ್ದು, ಕಾಂಗ್ರೆಸ್ ಜೆಎಂಎಂ ಹಾಗೂ ಆರ್ ಜೆಡಿ ಪಕ್ಷಗಳ ಮೈತ್ರಿಕೂಟಕ್ಕೆ ಜನ ಬಹುಮತ ನೀಡಿದ್ದು ಈ ಮೂಲಕ ಬಿಜೆಪಿಯ ಭದ್ರಕೋಟೆಯಾಗಿದ್ದ ಜಾರ್ಖಂಡ್ ನಲ್ಲಿ ಕಮಲದ ಆಳ್ವಿಕೆ ಕೊನೆಗೊಂಡಿದೆ.
ಇನ್ನು ಬಿಜೆಪಿಯ ಈ ಸೋಲಿನ ಕುರಿತು ಟ್ವಿಟರ್ ನಲ್ಲಿ ವ್ಯಂಗ್ಯವಾಡಿರುವ ಪಿ ಚಿದಂಬರಂ 3D ಕಥೆ ಮೂಲಕ ಬಿಜೆಪಿಯ ಈ ವರ್ಷದ ಸಾಧನೆಯ ಕುರಿತು ಟೀಕೆ ಮಾಡಿದ್ದಾರೆ. "ಹರಿಯಾಣ ದಲ್ಲಿ ದೊಡ್ಡ ಹೊಡೆತ , ಮಹಾರಾಷ್ಟ್ರ ದಲ್ಲಿ ತಿರಸ್ಕಾರ
ಹಾಗೂ ಜಾರ್ಖಂಡ್ ನಲ್ಲಿ ಸೋಲು, ಇದು 2019ರ ಬಿಜೆಪಿ ಕಥೆ" ಎಂದು ಹೇಳಿದ್ದಾರೆ.
"ಇನ್ನು ಬಿಜೆಪಿಯೇತರ ಪಕ್ಷಗಳು ಕಾಂಗ್ರೆಸ್ ಜೊತೆಗೊಡಿ ಸಂವಿಧಾನವನ್ನು ಉಳಿಸಲು ಬೃಹತ್ ರ್ಯಾಲಿ ಮಾಡಬೇಕು" ಎಂದು ಚಿದಂಬರಂ ಕರೆ ಕೊಟ್ಟಿದ್ದಾರೆ.
ಇನ್ನು ಕೇಂದ್ರದ ಮಾಜಿ ಸಚಿವರ ಈ ಟ್ವಿಟ್ ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪರ ವಿರೋಧ ಅಭಿಪ್ರಾಯಗಳು
ವ್ಯಕ್ತವಾಗುತ್ತಿವೆ.
