ಬಾಲಿವುಡ್ ನ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಹಾಗೂ ಕಿಚ್ಚ ಸುದೀಪ್ ಅಭಿನಯಿಸಿರುವ   
ದಬ್ಬಾಂಗ್ 3 ಸಿನಿಮಾ  ಕನ್ನಡದಲ್ಲಿ ಭಾರಿ ನಿರೀಕ್ಷೆ ಮೂಡಿಸಿತ್ತು .ಹಿಂದಿ, ತೆಲುಗು, ತಮಿಳು ಹಾಗೂ ಕನ್ನಡದಲ್ಲಿ ದಬಾಂಗ್ ರಿಲೀಸ್ ಆಗಿದ್ದು, ಎಲ್ಲಾ ಭಾಷೆಯಲ್ಲೂ ಉತ್ತಮ ರೆಸ್ಪಾನ್ಸ್ ಪಡೆದುಕೊಂಡಿದೆ.

ಆದರೆ ಕನ್ನಡದವರಿಗೆ ದಬ್ಬಾಂಗ್ 3 ಒಂದು ವಿಷಯದಲ್ಲಿ ಭಾರಿ ನಿರಾಸೆ ಮೂಡಿಸಿದೆ.ಹೌದು ,ದಬಾಂಗ್ 3 ಚಿತ್ರದ ಟ್ರೈಲರ್ ಬಂದಾಗ, ಅಲ್ಲಿ ಸಲ್ಮಾನ್ ಖಾನ್ ಡಬ್ ಮಾಡಿದ್ದರು. ''ಟೈಮು ನಂದೆ, ತಾರೀಖು ನಂದೆ...'' ಎಂದು ಕನ್ನಡದಲ್ಲಿ ಡೈಲಾಗ್ ಹೊಡೆದಿದ್ದರು.

ಹಾಗಾಗಿ ದಬಾಂಗ್ ಸಿನಿಮಾದಲ್ಲಿ ಸ್ವತಃ ಸಲ್ಮಾನ್ ಖಾನ್ ಕನ್ನಡದಲ್ಲಿ ವಾಯ್ಸ್ ಡಬ್ ಮಾಡಿರಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ, ಚಿತ್ರದಲ್ಲಿ ಸಲ್ಲು ವಾಯ್ಸ್ ಇಲ್ಲದೆ ಇರುವುದು ಪ್ರೇಕ್ಷಕರಿಗೆ ಬೇಸರ ತರಿಸಿದೆ.

ಆದರೆ ಸಲ್ಲು ಬಾಯಲ್ಲಿ ಕನ್ನಡ ಕೇಳಲಿಲ್ಲವಾದರೂ, ಸಲ್ಮಾನ್ ಅವರೇ ಮಾತನಾಡಿರುವಷ್ಟು ಫೀಲ್ ಸಿಗುತ್ತೆ. ಇನ್ನುಳಿದಂತೆ ದಬಾಂಗ್ 3 ಸಿನಿಮಾಗೆ ಮೆಚ್ಚುಗೆ ಸಿಕ್ಕಿದ್ದು, ಸುದೀಪ್ ಕೂಡ ಅಬ್ಬರಿಸಿದ್ದಾರೆ. 

ಪ್ರಭುದೇವ ನಿರ್ದೇಶನದ ಈ ಚಿತ್ರದಲ್ಲಿ ಸಲ್ಮಾನ್ ಖಾನ್, ಸುದೀಪ್, ಸೋನಾಕ್ಷಿ, ಸೈಯಿ ಮಂಜ್ರೆಕರ್, ಅರ್ಬಾಜ್ ಖಾನ್ ಸೇರಿದಂತೆ ಹಲವರು ನಟಿಸಿದ್ದಾರೆ. ಸ್ವತಃ ಸಲ್ಲು ಮತ್ತು ಅವರ ಸಹೋದರ ಅರ್ಬಾಜ್ ಖಾನ್ ಬಂಡವಾಳ ಹಾಕಿದ್ದಾರೆ.