ಖ್ಯಾತ ನಟಿ ಶಕೀಲಾ ಅವರ ಜೀವನಾಧಾರಿತ ಚಿತ್ರ “ ಶಕೀಲಾ”  ಕೆಲವೇ ದಿನಗಳಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಿದ್ಧವಾಗಿದೆ. ಕನ್ನಡ ಚಿತ್ರ ರಂಗದ ಖ್ಯಾತ ನಿರ್ದೇಶಕ ಇಂದ್ರಜಿತ್‌ ಲಂಕೇಶ ಶಕೀಲಾ ಚಿತ್ರಕ್ಕೆ ಆಕ್ಶನ್‌ ಕಟ್‌ ಹೇಳಿದ್ದಾರೆ.  

ಈ ಹಿನ್ನಲೆರಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಇಂದ್ರಜಿತ್‌ ಲಂಕೇಶ್‌  “ಇದು ಒಂದು ನಿಜವಾದ ಪ್ಯಾನ ಇಂಡಿಯಾ ಸಿನಿಮಾ.  ಇದೊಂದು ಮಹಿಳಾ ಪ್ರಧಾನ ಚಿತ್ರ. ತೊಂಬತ್ತರ ದಶಕದಲ್ಲಿ ಸಾಕಷ್ಟು ಸುದ್ದಿಯಲ್ಲಿದ್ದ ನಟಿ ಶಕೀಲಾರ ಜೀವನಾಧಾರಿತ ಚಿತ್ರವಾಗಿದೆ.  ಇದು ನನ್ನ ನಿರ್ದೇಶನ ಹತ್ತನೆಯ ಸಿನೆಮಾ. ಇದರ ಟ್ರೇಲರ್‌ ಈಗಾಗಲೇ ಸಮಾಜೀಕ ಜಾಲತಾಣಗಳಲ್ಲಿನಂಬರ 1 ಟ್ರೇಡಿಂಗ್ ನಲ್ಲಿದೆ .ಈ ಸಿನಿಮಾ ಅಂತರಾಷ್ಟೀಯ ಮಟ್ಟದಲ್ಲಿಯೂ ಬಿಡುಗಡೆ ಆಗಲಿದೆ ಎಂದು ಹೇಳಿದರು.

ಇದು ಈದು ಭಾಷೆಗಳಲ್ಲಿ ಬಿಡುಗಡೆಗೊಳ್ಳಲಿದೆ. ಆದರೆ ಈ ಚಿತ್ರದ ತಾಂತ್ರಿಕವರ್ಗದಲ್ಲಿ ಬಹುತೇಕ ಮಂದಿ ಕನ್ನಡದವರೇ. ಈಗಾಗಲೇ ಚಿತ್ರದ ಟ್ರೇಲರ್‌ ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಮಾದಕ ನಟಿ ಶಕೀಲಾ ಪಾತ್ರದಲ್ಲಿ ಬಾಲಿವುಡ್‌ ನಟೆ ರಿಚಾ ಚಡ್ಡಾ ಕಾಣಿಸಿಕೊಂಡಿದ್ದಾರೆ. ಹೊಸವರ್ಷದಲ್ಲಿ ಚಿತ್ರ ಬೆಳ್ಳಿತೆರೆಗೆ ಬರಲಿದೆ ಎಂದು ಇಂದ್ರಜಿತ್‌ ಲಂಕೇಶ್‌ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

ವರದಿ : ಬಸವರಾಜ ಹುಗಾರ, ಗದಗ