ಸಾಹಸ ಸಿಂಹ ವಿಷ್ಣುವರ್ಧನ್ ತಮ್ಮ ಅಭಿಮಾನಿಗಳನ್ನು ಅಗಲಿ ಇಂದಿಗೆ 11 ವರ್ಷಗಳೇ ಕಳೆದಿವೆ.   ಅಭಿನಯ ಭಾರ್ಗವನ 11 ನೇ  ಪುಣ್ಯ ತಿಥಿಯ ಕಾರ್ಯಕ್ರಮ ಅಭಿಮಾನ್ ಸ್ಟುಡಿಯೋ ದಲ್ಲಿ ನಡೆದಿದ್ದು, ಅಭಿಮಾನಿಗಳು ದಾದಾ ಭಾವ ಚಿತ್ರಕ್ಕೆ ಹೂವಿನಹಾರ ಹಾಕುವ ಮೂಲಕ ತಮ್ಮ ಅಚ್ಚು-ಮೆಚ್ಚಿನ ನಟನನ್ನ ನೆನೆದಿದ್ದಾರೆ. 

ಅಭಿಮಾನ್ ಸ್ಟುಡಿಯೋ ಬಳಿ ಇರುವ ವಿಷ್ಣುವರ್ಧನ್ ಅವರ ಸಮಾಧಿಯ ಹತ್ತಿರ ಅಪ್ಪಾಜಿಯ ಆರಾಧಕರು, ಅಭಿಮಾನಿಗಳು ಆಗಮಿಸಿದ್ದರು.. 11 ನೇ ಪುಣ್ಯ ತಿಥಿಯ ಅಂಗವಾಗಿ ಅಭಿಮಾನಿಗಳು ಸಮಾಧಿಯ ಮುಂದೆ ಹೂ ಗುಚ್ಛಗಳನ್ನು ಅರ್ಪಿಸುವ ಮೂಲಕ ತಮ್ಮ ಅಭಿಮಾನವನ್ನ ವ್ಯಕ್ತ ಪಡಿಸಿದ್ದಾರೆ. ನಂತರ ವಿಶೇಷ ಪೂಜೆಯನ್ನು ಸಲ್ಲಿಸಿದ್ದು, ಯಜಮಾನರನ್ನ ಆರಾಧಿಸಿದ್ದಾರೆ. ಕೊರೊನ ಅಬ್ಬರ ಇನ್ನು ಸಂಪೂರ್ಣವಾಗಿ ಮುಗಿದಿಲ್ಲ, ಆದ್ದರಿಂದ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವವರು ಕಡ್ಡಾಯವಾಗಿ ಮುಂಜಾಗ್ರತೆ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕಿದೆ.

ಸಮಾಧಿಯ ಸಮೀಪ ಉಚಿತವಾಗಿ ಮಾಸ್ಕ್ ಮತ್ತು ಸ್ಯಾನಿಟೈಝೆರ್ ವಿತರಿಸುವ ವ್ಯವಸ್ಥೆ ಮಾಡಲಾಗಿದೆ. ಅಪ್ಪಾಜಿಯ ಪುಣ್ಯ ಸ್ಮರಣೆ ನೆನಪಿನಲ್ಲಿ   ಅನ್ನದಾನ ಹಾಗೂ ರಕ್ತದಾನದಂತಹ ಕಾರ್ಯಕ್ರಮಗಳನ್ನು ಅಭಿಮಾನಿಗಳು ಹಮ್ಮಿಕೊಂಡಿರುವುದು ವಿಶೇಷ.

ವರದಿ: ಹೆಚ್. ಶ್ರೀಹರ್ಷ