ಬೆಂಗಳೂರ:-ಕ್ಯಾಬ್ ನಲ್ಲಿ ನಿದ್ದೆ ಮಾಡುತ್ತಿದ್ದ ಯುವತಿಗೆ ಚಾಲಕ ಮೈಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ ಘಟನೆಯು ಬೆಂಗಳೂರಿನ ಬೆಳ್ಳಂದೂರಿನ  ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನೆಡೆದಿದೆ.

25 ವರ್ಷದ ಸಂತ್ರಸ್ತೆಯು ಸರ್ಜಾಪುರ್ ನಿವಾಸಿಯಾಗಿದ್ದು  ಮಾರ್ಚ್ 7 ರಂದು ಹೊಸೂರ್ ರಸ್ತೆಯಲ್ಲಿ ಸ್ನೇಹಿತರನ್ನು ಭೇಟಿಯಾಗಿ ಮದ್ಯಾಹ್ನ 12 ಘಂಟೆಗೆ ಅಪಾರ್ಟ್ಮೆಂಟ್ ಗೆ ಹೋಗಲು ಉಬರ್ ಕ್ಯಾಬ್ ಬುಕ್ ಮಾಡಿದ್ದಾಳೆ ಹಲಸೂರು ರಸ್ತೆಯಲ್ಲಿ ಕ್ಯಾಬ್ ಹತ್ತಿ ಸ್ವಲ್ಪ ದೂರ ಹೋಗುತ್ತಿದ್ದಂತೆಯೇ ನಿದ್ದೆಗೆ ಜಾರಿದ್ದಾಳೆ.

ಎಇಟಿ ಕಾಲೇಜು ಜಂಕ್ಷನ್ ಸಮೀಪದಲ್ಲಿ ಕಾರ್ ನಿಲ್ಲಿಸಿದ ಚಾಲಕ ಹಿಂಬದಿಗೆ ಬಂದು ಮೈಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ್ದಾನೆ. ಇದೇ ವೇಳೆ ಎಚ್ಚರಗೊಂಡ ಯುವತಿ ಜೋರಾಗಿ ಕಿರುಚಿಕೊಂಡಿದ್ದಾಳೆ. ತನ್ನ ಸೀಟ್ ನಲ್ಲಿ ಕುಳಿತುಕೊಂಡ ಕ್ಯಾಬ್ ಚಾಲಕ ಬಳಿಕ ವೇಗವಾಗಿ ಕಾರ್ ಚಾಲನೆ ಮಾಡಿಕೊಂಡು ದೂರದಲ್ಲಿಯೇ ಯುವತಿಯನ್ನು ಇಳಿಸಿ ಪರಾರಿಯಾಗಿದ್ದಾನೆ ಎಂದು ದೂರಿನಲ್ಲಿ ನೀಡಲಾಗಿದೆ.