ಮುಂಬೈ : ಮುಂಬೈನ ಲೋಖಂಡವಾಲಾದಲ್ಲಿ ಗ್ಯಾಂಗ್‌ಸ್ಟರ್‌ ಮತ್ತು ಡ್ರಗ್‌ ಪೆಡ್ಲರ್‌ ಇಬ್ರಾಹಿಂ ಮುಜಾವರ್ನನ್ನು  ನ್ಯಾಕ್ರೋಟಿಕ್ಸ ಕಂಟ್ರೋಲ್‌ ಬ್ಯೂರೋ(ಎನ್‌ ಸಿ ಬಿ) ಬಂಧಿಸಿದೆ. “ ಭೂಗತ ಪಾತಕಿ ದಾವುದ್ ಇಬ್ರಾಹಿಂನಿಂದ ಪ್ರಭಾವಿತಗೊಂಡಿದ್ದೂ, ತಾನು ಕೂಡ ದೊಡ್ಡ ಭೂಗತ ಪಾತಕಿಯಾಗಬೇಕೆಂದುಕೊಂಡಿದ್ದೆ” ಎಂದು  ವಿಚಾರಣೆ ವೇಳೆ  ಇಬ್ರಾಹಿಂ ಬಾಯಿ ಬಿಟ್ಟಿದ್ದಾನೆ.

ಬಂಧಿತ ಇಬ್ರಾಹಿಂನಿಂದ 10 ಲಕ್ಷ ಮೌಲ್ಯದ 100 ಗ್ರಾಮ್‌ ಮೇಫೆಡ್ರೋಣ್‌ (ಡ್ರಗ್ಸ) ನನ್ನು ವಶಪಡಿಸಿಕೊಳ್ಳಲಾಗಿದೆ. ಅಲ್ಲದೇ ಡ್ರಗ್ಸ್ ಸಾಗಿಸಲು ಬಳುಸುತ್ತಿದ್ದ ವಾಹನವನ್ನು ಕೂಡ ಪೋಲಿಸರು ವಶಪಡಿಸಿಕೊಂಡಿದ್ದಾರೆ. ಬಂಧಿತನ ವಿಚಾರಣೆಯ ನಂತರ ಪೋಲಿಸರು ಮುಂಬೈನ ಡೋಂಗ್ರಿ ಪ್ರದೇಶದಲ್ಲಿ ಮೂರು ಕಡೆ ದಾಳಿ ನಡೆಸಿ  ಇಬ್ರಾಹಿಂಗೆ ಡ್ರಗ್ಸ್‌ ಸರಬರಾಜು ಮಾಡುತ್ತಿದ್ದ ವ್ಯಕ್ತಿಯನ್ನು ಕೂಡ ಬಂಧಿಸಿದ್ದಾರೆ. ಇಬ್ರಾಹಿಂ ಮೇಲೆ ಈಗಾಗಲೇ ಕೊಲೆ ಮತ್ತು ಪೋಲಿಸರ ಮೇಲೆ ಹಲ್ಲೆಯ ಪ್ರಕರಣಗಳು ದಾಖಲಾಗಿದ್ದವು. ಆದರೆ ಜಾಮೀನು ತೆಗೆದುಕೊಂಡು ಇಬ್ರಾಹಿಂ ಜೈಲಿನಿಂದ  ಹೊರ ಬಂದಿದ್ದ.

“ಇಬ್ರಾಹಿಂ  ಒಬ್ಬ ನಟೋರಿಯಸ್‌ ಗ್ಯಾಂಗ್‌ ಸ್ಟರ್‌ ಮತ್ತು ಡ್ರಗ್‌ ಪೆಡ್ಲರ್‌. ಇತನ ಬಂಧನದಿಂದ ಡ್ರಗ್ಸ ದಂಧೆಯ ದೊಡ್ಡ ಜಾಲವನ್ನು ಬೇಧಿಸಲು ನಮಗೆ ಸುಲಭವಾಗಲಿದೆ. ಮುಂಬೈ ನಗರ ಹಾಗೂ ರಾಜ್ಯಾದ್ಯಂತ‌ ಇಂತಹ ಡ್ರಗ್‌ ಪೆಡ್ಲರ್‌ಗಳ ಮೇಲೆ ನಾವು ರೇಡ್ ಮಾಡುತ್ತಿದ್ದು ಕಠಿಣ ಕ್ರಮಗಳನ್ನು ಜಾರಿ ಮಾಡುತ್ತಿದ್ದೇವೆ ಎಂದು ಎನ್‌ ಸಿ ಬಿ ವಲಯ ನಿರ್ದೇಶಕ ಸಮೀರ ವಾಂಖೆಡೆ ತಿಳಿಸಿದ್ದಾರೆ.

ವರದಿ: ಮಂಜುನಾಥ ಅಜಿತ್