ತಮಿಳು ಚಿತ್ರರಂಗದಲ್ಲಿ ಯಶಸ್ವಿ ನಾಯಕನಾಗಿ ಮಿಂಚುತ್ತಿರುವ ಧನುಷ್ ಅವರು ಸ್ಟಾರ್ ನಟನೊಂದಿಗೆ ಬಾಲಿವುಡ್‍ಗೆ ಮತ್ತೆ ರೀ ಎಂಟ್ರಿ ಕೊಡಲು ಸಿದ್ಧವಾಗಿದ್ದಾರೆ.2013ರಲ್ಲಿ ಬಿಡುಗಡೆಯಾದ ರಾಂಜನ್ ಚಿತ್ರದ ಮೂಲಕ ಬಾಲಿವುಡ್‍ಗೆ ಮೊದಲ ಬಾರಿ ಎಂಟ್ರಿಕೊಟ್ಟಿದ್ದ ಧನುಷ್, ನಂತರ 2015ರಲ್ಲಿ ಬಿಗ್‍ಬಿ ಅಮಿತಾ ಬಚ್ಚನ್ ಜೊತೆ ಶಮಿತಾಭ್ ಸಿನಿಮಾ ಮಾಡಿದ್ದರು.ಈಗ 5 ವರ್ಷದ ನಂತರ ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅವರು ಜೊತೆ ನಟಿಸಲು ಸಿದ್ಧವಾಗಿದ್ದಾರೆ. ಈ ಮೂಲಕ ಬಾಲಿವುಡ್‍ಗೆ ರೀ ಎಂಟ್ರಿ ಕೊಡುತ್ತಿದ್ದಾರೆ.
 ಕಾಲಿವುಡ್‍ನಲ್ಲಿ ಅಸುರನ್, ಪಟಾಸ್ ಚಿತ್ರಗಳ ಯಶಸ್ಸಿನ ನಂತರ ಧನುಷ್ ಅವರು, ಬಾಲಿವುಡ್‍ನಲ್ಲಿ ಸ್ಟಾರ್ ಡೈರೆಕ್ಟರ್ ಆನಂದ್ ಎಲ್ ರೈ ಅವರು ನಿರ್ದೇಶನ ಮಾಡುತ್ತಿರುವ ಅತ್ರಂಗಿ ರೇ ಎಂಬ ಚಿತ್ರದಲ್ಲಿ ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಧನುಷ್ ಜೊತೆ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅವರು ನಟಿಸಲಿದ್ದಾರೆ. ಈ ಚಿತ್ರದ ನಾಯಕಿಯಾಗಿ ನಟ ಸೈಫ್ ಅಲಿಖಾನ್ ಅವರು ಮಗಳು ಸಾರಾ ಅಲಿಖಾನ್ ನಟಿಸಲಿದ್ದಾರೆ.ಇದು ಒಂದು ಮ್ಯೂಸಿಕಲ್ ಸಿನಿಮಾವಾಗಿದ್ದು, ಹಿಮಾಂಶು ಶರ್ಮಾ ಅವರು ಬರೆದಿರುವ ಕಥೆಯನ್ನು ಆನಂದ್ ಎಲ್ ರೈ ಅವರು ನಿರ್ದೇಶನ ಮಾಡುತ್ತಿದ್ದಾರೆ.