ಇಂದು ಚಾಮರಾಜಪೇಟೆಯ ಕಲಾವಿದರ ಸಂಘದಲ್ಲಿ ಕೋಡ್ಲು ರಾಮಕೃಷ್ಣ  ಅವರ ಮತ್ತೆ ಉದ್ಭವ ಸಿನಿಮಾದ ಟ್ರೇಲರ್ ನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಿಡುಗಡೆ ಮಾಡಿದರು.

ಟ್ರೇಲರ್ ಬಿಡುಗಡೆ ಮಾಡಿ ಮಾತನಾಡಿದ ದರ್ಶನ್ , ಮತ್ತೆ ಉದ್ಭವ ಸಿನಿಮಾದ ಟ್ರೇಲರ್ ಅದ್ಭುತವಾಗಿ ಮೂಡಿಬಂದಿದೆ. ಸಿನಿಮಾ ಕೂಡ ಅಷ್ಟೇ ಅದ್ಭುತವಾಗಿರುವ ಹಾಗೆ ಕಾಣಿಸುತ್ತಿದೆ.ಆದ್ದರಿಂದ ಎಲ್ಲರೂ ಚಿತ್ರಮಂದಿರಕ್ಕೆ ತೆರಳಿ ಸಿನಿಮಾ ನೋಡಿ ಎಂದು ಹೇಳಿದರು.

1990 ರಲ್ಲಿ  ಬಿಡುಗಡೆಯಾಗಿದ್ದ ಉಧ್ಭವ ಸಿನಿಮಾ ಭರ್ಜರಿ ಯಶಸ್ಸನ್ನು ಕಂಡಿತ್ತು. ಅನಂತ್ ನಾಗ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದ ಈ ಚಿತ್ರವನ್ನು ಕೋಡ್ಲು ರಾಮಕೃಷ್ಣ ಅವರು ನಿರ್ದೇಶಿಸಿದ್ದರು.ಈಗ ಮತ್ತೆ ಸುಮಾರು 30 ವರ್ಷಗಳ ನಂತರ ಕೋಡ್ಲು ರಾಮಕೃಷ್ಣ ಅವರೇ ಉದ್ಭವ ಸಿನಿಮಾದ ಮುಂದಿನ ಭಾಗವಾಗಿ ಮತ್ತೆ ಉಧ್ಭವ ಸಿನಿಮಾ ನಿರ್ದೇಶನ ಮಾಡಿದ್ದಾರೆ.

ಮತ್ತೆ ಉದ್ಭವ ಸಿನಿಮಾವನ್ನು  ವೈಟ್ ಪ್ಯಾಂಥರ್ಸ ಹಾಗೂ ಇನ್ಫಿನಿಟಿ ಫಿಲಂಸ್ ಜಂಟಿಯಾಗಿ ನಿರ್ಮಾಣ ಮಾಡಿದ್ದು , ಮುಖ್ಯ ಭೂಮಿಕೆಯಲ್ಲಿ ಪ್ರೀಮಿಯರ್ ಪದ್ಮಿನಿ ಚಿತ್ರದ ನಾಯಕ ಪ್ರಮೋದ್, ಮಂಡ್ಯ ರಮೇಶ್ , ಮಿಲನ ನಾಗರಾಜ್ ಹಾಗೂ ಮೋಹನ್  ಕಂಇಕೊಂಡಿದ್ದಾರೆ.ಇನ್ನು ಚಿತ್ರಕ್ಕೆ ವಿ. ಮನೋಹರ್ ಸಂಗೀತ ನಿರ್ದೇಶನ ಮಾಡಿದ್ದು, ಇದೇ ಫೆಬ್ರವರಿ 7 ರಂದು ಚಿತ್ರ ತೆರೆಗೆ ಬರಲಿದೆ.