ಭಾರತದ ಮಾಜಿ ಕ್ರಿಕೆಟ್ ತಂಡದ ನಾಯಕನಾದ ಎಂ.ಎಸ್. ಧೋನಿ ಅವರ ಬಯೋಪಿಕ್ ನಲ್ಲಿ ಅಪ್ರತಿಮವಾಗಿ ಅಭಿನಯಿಸಿದ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್, ಸಿನಿಮಾ ಮಾಡುವ ಸಮಯದಲ್ಲಿ ಧೋನಿ ಅವರೊಂದಿಗೆ ಬಹಳಷ್ಟು ಸಮಯವನ್ನು ಕಳೆದಿದ್ದರು. "ಎಂ.ಎಸ್ ಧೋನಿ ದಿ ಅನ್ಟೋಲ್ಡ್ ಸ್ಟೋರಿ" ಸಿನಿಮಾದಿಂದ ಸುಶಾಂತ್ ಮತ್ತು ಧೋನಿ ಅವರ ನಡುವೆ ಒಳ್ಳೆಯ ಬಾಂಧವ್ಯ ಬೆಳೆದಿತ್ತು. 

ಆದರೆ ಇದೀಗ, ಸುಶಾಂತ್ ಅವರ ನಿಧನವು ಧೋನಿ ಅವರಿಗೆ ಬಹಳ ದುಃಖ ತಂದಿದೆ ಎಂದು ಧೋನಿ ಅವರ ವ್ಯವಸ್ಥಾಪಕ ಅರುಣ್ ಪಾಂಡೆ ಹೇಳಿದ್ದಾರೆ.

ಮಾತು ಮುಂದುವರಿಸುತ್ತಾ, "ಆಗಿರುವುದನ್ನು ನಮಗೆ ನಂಬಲು ಸಾಧ್ಯವಾಗುತ್ತಿಲ್ಲ. ಎಂತಹ ದುರಂತ ಘಟನೆ ಇದು. ಸುಶಾಂತ್ ಗೆ ಕೇವಲ 34 ವರ್ಷವಾಗಿತ್ತು. ಅವರಿಗಾಗಿ ಸಮೃದ್ಧ ವೃತ್ತಿ ಜೀವನ ಕಾಯುತ್ತಿತ್ತು, ಅದರ ಬಗ್ಗೆ ನನಗೆ ಯಾವುದೇ ಅನುಮಾನ ಇಲ್ಲ." ಎಂದು ಹೇಳಿದರು.