ಕನ್ನಡ ಚಿತ್ರರಂಗದ ಖ್ಯಾತ ನಿರ್ದೇಶಕರಾದ ಇಂದ್ರಜೀತ್ ಲಂಕೇಶ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಹೊಸ ಚಿತ್ರ ʼಶಕೀಲʼ. 90ರ ದಶಕದ ಹಾಟ್ ಬೆಡಗಿ ಶಕೀಲಾ ಜೀವನಾಧಾರಿತ ಚಿತ್ರ ಇದಾಗಿದ್ದು, ಹಿಂದಿ ಸೇರಿದಂತೆ ಒಟ್ಟು 5 ಭಾಷೆಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದೆ. ಹಿಂದಿ ಚಿತ್ರ ರಂಗದ ಖ್ಯಾತ ನಟಿ ರಿಚಾ ಚಡ್ಡಾ ಚಿತ್ರದಲ್ಲಿ ಶಕೀಲಾ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ, ಹೆಸರಾಂತ ಕಲಾವಿದರಾದ ಪಂಕಜ್ ತ್ರಿಪಾಟಿ ಕೂಡ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನೂ  ಬೇರೆ ಬೇರೆ ರಾಜ್ಯದ ನಟ-ನಟಿಯರು, ತಂತ್ರಜ್ಙರು ಒಟ್ಟಿಗೆ ಸೇರಿ ಕೆಲಸ ಮಾಡಿರುವುದು ಈ ಚಿತ್ರದ ಇನ್ನೊಂದು ವಿಶೇಷ.

ದೇಶದಾದ್ಯಂತ ಸುಮಾರು ಎರಡು ಸಾವಿರ ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ ಅಲ್ಲದೇ ವಿದೇಶದಲ್ಲಿಯೂ ಚಿತ್ರ ಬಿಡುಗಡೆ ಮಾಡಲಿದ್ದಾರೆ ಇಂದ್ರಜೀತ್ ಲಂಕೇಶ್. ಈ ಹಿನ್ನಲೆಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ನಿರ್ದೇಶಕ ಇಂದ್ರಜೀತ್ ʼಒಬ್ಬ ಕನ್ನಡಿಗನಾಗಿ ಇಂತಹ ದೊಡ್ಡ ಮಟ್ಟದ ಪ್ಯಾನ್ ಇಂಡಿಯಾ ಚಿತ್ರ ಮಾಡುತ್ತಿರುವುದು ಹೆಮ್ಮೆಯ ವಿಚಾರ. ಕರ್ನಾಟಕದ ಹಲವಾರು ಪ್ರತಿಭೆಗಳಿಗೆ ಈ ಚಿತ್ರದಲ್ಲಿ ಅವಕಾಶ ನೀಡಿದ್ದೇನೆ . ಈಗಾಗಲೇ ಶಕೀಲಾ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು ಸಾಮಜಿಕ ಜಾಲತಾಣಗಳಲ್ಲಿ ಶಕೀಲಾ ಚಿತ್ರ ಟ್ರೇಂಡಿಗ್ ಆಗ್ತಾ ಇದೆ. ಚಿತ್ರದ ಟ್ರೇಲರ್ ಗೆ  ಪ್ರೇಕ್ಷರಿಂದ ಉತ್ತಮ ಪ್ರತಿಕ್ರಿಯ ದೊರಕಿದೆ, ಇದೇ ನಮ್ಮ ಮೊದಲ ಗೆಲುವು, ಎಂದು ಹೇಳಿದ್ದಾರೆ.

ಬಹು ಬಾಷೆ ತಾರೆಯಾಗಿ ಮಿಂಚಿದ್ದ ಶಕೀಲಾ ಲೈಫ್ ಸ್ಟೋರಿ ಈಗ ಚಿತ್ರದ ರೂಪದಲ್ಲಿ ಸಿನಿರಸಿಕರ ಮುಂದೆ ತೆರೆ ಕಾಣಲಿದೆ.. ತಮ್ಮ ಮಾದಕ ನಟನೆಯ ಮೂಲಕ 90ರ ದಶಕಲ್ಲಿ ಪಡ್ಡೆ ಹುಡುಗರ ನಿದ್ದೆಗೆಡಿಸಿದ್ದ ನಟಿಯ ಬದುಕಿನ ಹಿಂದಿನ ರಿಯಲ್ ಸ್ಟೋರಿ ಚಿತ್ರದಲ್ಲಿ ಅನಾವರಣಗೊಳ್ಳಲಿದೆ. ಶಕೀಲಾ ತನ್ನವರಿಂದಲೇ ಎದುರಿಸಿದೆ ಸಮಸ್ಯೆಗಳು, ಮೋಸ, ಚಿತ್ರರಂಗದ ಪ್ರಭಾವಿಗಳಿಂದ ಎದುರಿಸಿದ್ದ ಕಷ್ಟಗಳ ಬಗ್ಗೆ ಸಿನಿಮಾದಲ್ಲಿ ತೋರಿಸಲಾಗಿದೆ. ದಕ್ಷಿಣ ಭಾರತದ ಖ್ಯಾತ ನಟಿಯೊಬ್ಬರ ಜೀವನಗಾಥೆಯನ್ನ ಇಡಿ ದೇಶಕ್ಕೆ ಹೆಳಹೊರಟ್ಟಿದ್ದಾರೆ ಇಂದ್ರಜೀತ್.

ವರದಿ: ಮಂಜುನಾಥ ನಾಯಕ್